Freethinker

കുട്ടികള്‍ക്ക് ജാതിക്കാര്‍ഡ്

2011-06-03T21:14:00.001+05:30

പ്രവേശനോത്സവത്തോടനുബന്ധിച്ച് ഒന്നാംക്ലാസില്‍ ചേരാനെത്തിയ വിദ്യാര്‍ഥികളുടെ കഴുത്തില്‍ ജാതിപ്പേര് എഴുതിയ കാര്‍ഡ് കെട്ടിത്തൂക്കിയ സംഭവത്തില്‍ റിപ്പോര്‍ട്ട് ലഭിച്ചാലുടന്‍ നടപടി സ്വീകരിക്കുമെന്ന് പൊതുവിദ്യാഭ്യാസ ഡയറക്ടര്‍ എം പി മുഹമ്മദ് ഹനീഷ് പറഞ്ഞു. തുടര്‍നടപടിക്കായി സര്‍ക്കാരിന് കത്ത് നല്‍കുമെന്നും അദ്ദേഹം പറഞ്ഞു. കോട്ടയം കടുത്തുരുത്തി മുട്ടുചിറ സെന്റ് ആഗ്നസ് ഇംഗ്ലീഷ് മീഡിയം സ്കൂളില്‍ ചേരാനെത്തിയ 82 കുട്ടികളുടെ കഴുത്തിലാണ് സ്കൂള്‍ അധികൃതര്‍ ജാതിപ്പേര് എഴുതിയ കാര്‍ഡ് കെട്ടിത്തൂക്കിയത്. കുട്ടികളുടെ ജാതിപ്പേര് ഉള്‍പ്പെടെയുള്ള വിവരങ്ങള്‍ ഓഫീസ് രേഖകളില്‍ ഉണ്ടെന്നിരിക്കെ കഴുത്തില്‍ കാര്‍ഡ് കെട്ടിത്തൂക്കിയ നടപടിക്കെതിരെ വ്യാപകപ്രതിഷേധമുയര്‍ന്നു. വിദ്യാര്‍ഥികളുടെ ജാതി പലപ്പോഴും ശരിയായി രേഖപ്പെടുത്താത്തതിനാല്‍ ലംപ്സം ഗ്രാന്റ് ഉള്‍പ്പെടെയുള്ള ആനുകൂല്യങ്ങള്‍ കിട്ടാത്ത സാഹചര്യമുണ്ടാകാറുണ്ടെന്നും അതിനാല്‍ കുട്ടികളുടെ ജാതി ശരിയാണോയെന്ന് മാതാപിതാക്കളെ ബോധ്യപ്പെടുത്താനാണ് ഇത് ചെയ്തതെന്നാണ് സ്കൂള്‍ അധികൃതരുടെ വിശദീകരണം. രക്ഷിതാക്കളാണ് സംഭവം സംബന്ധിച്ച് കടുത്തുരുത്തി ഡിഇഒയ്ക്ക് പരാതി നല്‍കിയത്. സംഭവത്തെക്കുറിച്ച് ഉടന്‍ റിപ്പോര്‍ട്ട് സമര്‍പ്പിക്കാന്‍ ജില്ലാ വിദ്യാഭ്യാസ ഡെപ്യൂട്ടി ഡയറക്ടറും ഡിഇഒ യോട് ആവശ്യപ്പെട്ടിട്ടുണ്ട്. കോട്ടയം കലക്ടര്‍ മിനി ആന്റണിയും ഇതുസംബന്ധിച്ച് അന്വേഷണത്തിന് ഉത്തരവിട്ടു. സംഭവത്തില്‍ പ്രതിഷേധിച്ചും സ്കൂള്‍ അധികൃതര്‍ക്കെതിരെ നടപടി സ്വീകരിക്കണമെന്ന് ആവശ്യപ്പെട്ടും എസ്എഫ്ഐ നേതൃത്വത്തില്‍ സ്കൂളിലേക്ക് നടന്ന മാര്‍ച്ചിനു നേരെ പൊലീസ് ലാത്തി വീശി. 17 പ്രവര്‍ത്തകരെ അറസ്റ്റ് ചെയ്തു. കേരള പുലയര്‍ മഹാസഭയുടെ നേതൃത്വത്തിലും സ്കൂളിലേക്ക് മാര്‍ച്ച് നടത്തി.

ഇന്ന് ദേശാഭിമനിയില്‍ വന്ന വാര്‍ത്തയാണ് മേല്‍ കൊടുത്തത്. ജാതിയും മതവും തിരിച്ചറിയാന്‍ പ്രായമാകാത്ത കുട്ടികളുടെ കഴുത്തില്‍ ജാതിക്കാര്‍ഡ് തൂക്കിയത് പ്രതിഷേധാര്‍ഹമാണ്. അതിനെതിരെയുള്ള S.F.I യുടെ പ്രതിഷേധവും ന്യായം തന്നെ. പക്ഷേ കേരളത്തിലെ വിദ്യാഭ്യാസവകുപ്പ് തന്നെ കുട്ടികളുടെ ജാതി പരസ്യപ്പെടുത്തിയതിന്റെ ഒരു ഉദാഹരണം താഴെക്കൊടുക്കുന്നു.

ഇക്കഴിഞ്ഞ S.S.L.C പരീക്ഷാഫലം http://www.results.itschool.gov.in/ എന്ന ഗവണ്മെന്റ് വെബ് സൈറ്റില്‍ പ്രസിദ്ധീകരിച്ചിരുന്നു. കുട്ടികളുടെ പേരും മറ്റ് കാര്യങ്ങളും ആദ്യം കൊടുത്തതിനു ശേഷമാണ് വിഷയങ്ങളും അവയ്ക്കുള്ള മാര്‍ക്കുകളും കൊടുത്തിരിക്കുന്നത്. അതിലെ ചില കുട്ടികളുടെ ഫലത്തിന്റെ ആദ്യഭാഗമാണ് താഴെക്കൊടുക്കുന്നത്. കുട്ടികളുടെ ജാതി പ്രത്യേകം കൊടുത്തിരിക്കുന്നത് ശ്രദ്ധിച്ചിരിക്കുമല്ലോ.

• Regno : xxxxx
• Name : xxxxxxxxxxx
• School : xxxxxxxxxxx
• Sex : Male
• Category : General
• Caste : NAIR

• Regno : xxxxx
• Name : xxxxx
• School : xxxxxxxx
• Sex : Male
• Category : General
• Caste : R.C.S

• Regno : xxxxx
• Name : xxxxxxxx
• School : xxxxxxxxxxx
• Sex : Male
• Category : OBC
• Caste : EZHAVA

• Regno : xxxxx
• Name : xxxxxxxx
• School : xxxxxxxxxxx
• Sex : Female
• Category : OBC
• Caste : VANIKA VAISYA

• Regno : xxxxx
• Name : xxxxxxxx
• School : xxxxxxxxxxx
• Sex : Female
• Category : SC
• Caste : VELAN

• Regno : xxxxx
• Name : xxxxxxxx
• School : xxxxxxxxxxx
• Sex : Female
• Category : OEC
• Caste : CHERAMAR CHRISTIAN

ശബരിമലയിലെ തന്ത്രങ്ങള്‍

2011-01-22T22:09:00.002+05:30

മകര വിളക്കിനെക്കുറിച്ചുതന്നെ.

2008 വരെ തന്ത്രിക്കോ അമ്പലത്തിന്റെ മറ്റു വക്താക്കള്‍ക്കോ അജ്ഞാതമായിരുന്ന മകര വിളക്ക്, മകര ജ്യോതി വ്യത്യാസം ഒരു സുപ്രഭാതത്തില്‍ പെട്ടെന്ന് ഉയര്‍ത്തിക്കൊണ്ടു വരുന്നതിന്റെ പിന്നിലെ ഗൂഢോദ്ദേശ്യം നാം മനസ്സിലാക്കേണ്ടതുണ്ട്. 2008-ല്‍ കൈരളി ടീവിയില്‍ അവതരിപ്പിച്ച മകരവിളക്ക് ലൈവ് ടെലികാസ്റ്റില്‍ തന്ത്രിയുടെ വക്താവ് ഇപ്പോള്‍ പറയുന്ന ജ്യോതി/വിളക്ക് വ്യത്യാസം പറയുന്നില്ലന്ന് മാത്രമല്ല, മകരവിളക്ക് ഭൂതഗണങ്ങളും, ദേവകളും അയ്യപ്പ സ്വാമിയെ പൂജിക്കുന്നതിനു വേണ്ടി കത്തിക്കുന്ന സങ്കല്പത്തെക്കുറിച്ച് പറയുന്നുമുണ്ട്. മാത്രമല്ല ആ സമയത്ത് കാണപ്പെടുന്ന സിറിയസ് നക്ഷത്രത്തെ മകരജ്യോതിയെന്നു വിശേഷിപ്പിക്കുന്നില്ലയെന്നത് പ്രത്യേകം ശ്രദ്ധിക്കേണ്ടതുണ്ട്. ആ ടെലികാസ്റ്റില്‍ മകരവിളക്കെന്നും മകരജ്യോതിയെന്നും പൊന്നമ്പല മേട്ടില്‍ കത്തിക്കുന്ന വിളക്കിനെ വിശേഷിപ്പിക്കുന്നുമുണ്ട്. മകരവിളക്കിന്റെ പിന്നിലെ തട്ടിപ്പ് ഇനി തുടരാന്‍ സാദ്ധ്യമല്ലെന്ന തിരിച്ചറിവാണ് അത് മനുഷ്യ നിര്‍മ്മിതമാണെന്ന സത്യം തുറന്നു പറയാന്‍ ഇവരെ പ്രേരിപ്പിച്ചത്. തങ്ങള്‍ നടത്തിവന്ന തട്ടിപ്പിന് പുതിയ ദിവ്യപരിവേഷം നല്‍കി തുടരുന്നതിനാണ് ഇപ്പോള്‍ മകരജ്യോതിയെന്നത് നക്ഷത്രമാണെന്ന വാദവുമായി വക്താക്കള്‍ രംഗത്തിറങ്ങിയിരിക്കുന്നത്.

2008-ല്‍ കൈരളി ടീവിയില്‍ അവതരിപ്പിച്ച മകരവിളക്ക് ലൈവ് ടെലികാസ്റ്റ് വീഡിയോ

പുതിയ വാദം വിളക്കും ജ്യോതിയും തമ്മിലുള്ള വ്യത്യാസം വിവരിക്കുന്ന വീഡിയോ

പൊന്നമ്പലമേടിനെ ശബരിമലയുടെ മൂല സ്ഥാനമെന്നും, അവിടെ അമ്പല അവശിഷ്ടങ്ങളുണ്ടെന്നും, അവിടെ ആരാധന നടന്നിരുന്നുവെന്നും മറ്റുമാണ് ഇപ്പോഴുള്ള വാദം. ഇത് പൊന്നമ്പലമേട്ടില്‍ പുതിയ ഒരു അമ്പലം നിര്‍മ്മിക്കാനുള്ള ഗൂഢ പദ്ധതിയിലേക്കാണ് വിരല്‍ ചൂണ്ടുന്നത്. കേരളത്തില്‍ നില നില്‍ക്കുന്ന ഈ വനഭൂമിയും അടുത്ത ഭാവിയില്‍ ഇല്ലാതാവനുള്ള എല്ലാ സാദ്ധ്യതകളും കാണുന്നുണ്ട്. നമ്മുടെ ഭരണ പ്രതിപക്ഷ കക്ഷികള്‍ ഇക്കാര്യത്തില്‍ എന്തെങ്കിലും ചെയുമെന്ന് കരുതുന്നത് മൗഢ്യമായിരിക്കും. പ്രബുദ്ധരെന്ന്‍ അവകാശപ്പെടുന്ന മലയാളികളുടെ മുന്‍പിലാണ് ഇത്തരം തട്ടിപ്പുകള്‍ നടക്കുന്നത്. നമ്മുടെ പ്രതികരണശേഷി നമുക്ക് എവിടെയോ കൈമോശം വന്നു. കോടതികള്‍ മാത്രമാണ് അവസാന ആശ്രയും.

ശബരിമല ദുരന്തം

2011-01-15T12:36:00.004+05:30

Photo courtesy: Asianet News

അങ്ങനെ 104 അയ്യപ്പഭക്തന്മാര്‍ ശബരിമലയിലെ തിക്കിലും തിരക്കിലും പെട്ട് മരണമടഞ്ഞു. മകരവിളക്ക് എന്ന തട്ടിപ്പ് കണ്ട് നിര്‍‌വൃതി അടഞ്ഞ് സ്വന്തം വീടുകളിലേക്ക് മടങ്ങിയ അയ്യപ്പന്മാരാണ് അപകടത്തില്‍പ്പെട്ടത്. ഇത്തരം ഒരു അപകടം പ്രിതീക്ഷിച്ചതുതന്നെ. കഴിഞ്ഞ വര്‍ഷങ്ങളില്‍ ഇതു സംഭവിക്കാതിരുന്നത് അത്ഭുതമായി കണക്കാക്കിയാല്‍ മതി. കിഴക്കാം തൂക്കായ കാട്ടുപ്രദേശത്ത് ഇത്രയധികം ആളുകള്‍ ഒരു സമയത്ത് ഒന്നിച്ചുകൂടിയാല്‍ സംഭവിക്കേണ്ടതു തന്നെ.

ഏറ്റവും ഹീനമായ കാര്യം മകരവിളക്ക് ഒരു സര്‍ക്കാര്‍ സ്പോണ്‍സേര്‍ഡ് തട്ടിപ്പാണ് എന്നതാണ്. പോലീസ് അകമ്പടിയോടെ ദേവസ്വം ബോര്‍ഡ് നടത്തുന്ന തട്ടിപ്പ്. അതുകൊണ്ട് കേരളാ സര്‍ക്കാരിന് ഈ മരണങ്ങളുടെ ഉത്തരവാദിത്വത്തില്‍ നിന്നും ഒളിച്ചോടാനാവില്ല. പ്രത്യേകിച്ച് അന്ധവിശ്വാസങ്ങള്‍ക്കെതിരെ പൊരുതേണ്ട ഒരു ഇടതുപക്ഷ സര്‍ക്കാരിന്. ഇത്തരം തട്ടിപ്പുകളില്‍ നിന്നും ഗവണ്മെന്റ് മാറിനില്‍ക്കേണ്ടതാണ്. കേരളത്തിലെ മിക്കവാറും ഭക്തര്‍ക്ക് ഇതിന്റെ പിന്നിലെ രഹസ്യം അറിയാം. അതിനാലാണ് മരിച്ച മലയാളികളുടെ എണ്ണം തുലോം കുറവായത്. മലയാള, ദേശീയ മാധ്യമങ്ങള്‍ കുറ്റകരമായ അനാസ്ഥ ഇക്കാര്യത്തില്‍ കാണിച്ചുവെന്നു പറയേണ്ടി വരും. മകരവിളക്ക് ഇന്നും അവര്‍ക്ക് ദിവ്യജ്യോതിയാണ്. ശബരിമലയിലേ ദീപാരാധന സമയത്ത് ദേവകളും ഭൂതഗണങ്ങളും അയ്യപ്പനെ ആരാധിക്കുന്നതാണ് ഈ പ്രകാശം എന്ന് അവര്‍ പറയുന്നു. മണ്ഡലക്കാലം തുടങ്ങിയാല്‍ അയ്യപ്പന്റെ ഗുണഗണങ്ങള്‍ വാഴ്ത്തിയുള്ള പ്രചാരവേല ആരംഭിക്കുകയായി. സീരിയലുകളും, ഭക്തിഗാനങ്ങളും, അയ്യപ്പമഹത്വം വാഴ്ത്തലുമായി അവര്‍ രംഗം കൊഴുപ്പിക്കുന്നു. വിശ്വാസത്തെ ഒരുതരം ഉന്മാദാവസ്ഥയിലേക്ക് ഇവര്‍ എത്തിക്കുന്നു. സമൂഹത്തിലെ ഉന്നതരെന്നു നാം കരുതുന്ന പലരും ഇത്തരം പ്രചാരവേലയുടെ പിന്നിലുണ്ട്. ഇതെല്ലാം കണ്ട് തങ്ങള്‍ക്ക് മനഃശ്ശാന്തി ലഭിക്കുമെന്ന മൂഢവിശ്വാസവുമായി പാവങ്ങള്‍ ഇവിടെ തിരക്കുകൂട്ടുന്നു. അത് ഇത്തരം ദുരന്തങ്ങളിലേക്കാണ് അവരെ കൊണ്ടുചെന്നെത്തിക്കുന്നത്.

ഇതില്‍ നിന്നും പാഠം ഉള്‍ക്കൊണ്ട് ഇത്തരം ദുരന്തങ്ങള്‍ ആവര്‍ത്തിക്കാതിരിക്കാന്‍ സര്‍ക്കാര്‍ എന്തെങ്കിലും ചെയുമെന്ന് പ്രതിക്ഷിക്കേണ്ടതില്ല. ഭരണ പ്രതിപക്ഷങ്ങള്‍ പരസ്പരം ആരോപണം ഉയര്‍ത്തി ഏതാനും ദിവസങ്ങള്‍ക്കകം ഇതെല്ലാം കെട്ടടങ്ങും. അടുത്തവര്‍ഷം വീണ്ടും ഈ തട്ടിപ്പ് അരങ്ങേറുകയും കുറേ വിശ്വാസികളുടെ മരണത്തില്‍ കലാശിക്കുകയും ചെയ്യും. കുറേപ്പേര്‍ക്ക് ജീവന്‍ നഷ്ടപ്പെട്ടാലും നമുക്ക് ശ്രദ്ധ ഖജനാവിലേക്കെത്തുന്ന സമ്പത്താണല്ലോ.

ഖുറനിലെ വൈരുദ്ധ്യങ്ങള്‍ - ബഹുദൈവവിശ്വാസികളോടുള്ള നിലപാട്

2010-05-07T13:24:00.002+05:30

ആള്ളാഹുവിന്റെ വചനങ്ങളിലെ മറ്റൊരു വൈരുദ്ധ്യം കൂടി നോക്കുക.

109-ം അദ്ധ്യായത്തില്‍ അദ്ദേഹം നബിയെക്കൊണ്ടു പറയിക്കുന്നത് അവിശ്വാസികളും ബഹുദൈവ വിശ്വാസികളും ഒരിക്കലും തന്റെ വചനങ്ങള്‍ ശ്രവിക്കുകയില്ല അതിനാല്‍ അവര്‍ക്ക് അവരുടെ മതം നമുക്ക് നമ്മുടെ മതം എന്നാണ്. ഒരു മതേതര സമൂഹത്തിനു തികച്ചും അനുയോജ്യമായ നിലപാടായിരുന്നു ഇത്. ഖുറാന്റെ ഇതര മത സഹിഷ്ണുത കാണിക്കുവാന്‍ മത പ്രചാരകര്‍ ഈ ആദ്ധ്യായം ഉയര്‍ത്തിക്കാണിക്കാറുണ്ട്. പക്ഷേ 9 അം അദ്ധ്യായത്തില്‍ ഇതേ ദൈവം തന്നെ ബഹുദൈവ വിശ്വാസികളെ പതിയിരുന്നു പിടിച്ച് കൊന്നുകളയാന്‍ ആഹ്വാനം ചെയ്യുന്നു. അവര്‍ തന്റെ മതത്തിലേക്ക് വന്നാല്‍ വധശിക്ഷ ഒഴിവാക്കാന്‍ കരുണാധിയായ ദൈവം ഉപദേശിക്കുന്നുമുണ്ട്. ഖുറാനില്‍ പലഭാഗത്തും ബഹുദൈവവിശ്വാസികളെ ദൈവം ശക്തമായി ശാസിക്കുകയും, ഭയപ്പെടുത്തുകയും ചെയ്യുന്നു. സര്‍‌വ്വശക്തനും പരമകാരുണികനുമായ ദൈവം പരസ്പരവിരുദ്ധമായ ഇത്തരം ജല്പനം നടത്തുമോ?

109 കാഫിറൂന്‍

1. ( നബിയേ, ) പറയുക: അവിശ്വാസികളേ,

2. നിങ്ങള്‍ ആരാധിച്ചുവരുന്നതിനെ ഞാന്‍ ആരാധിക്കുന്നില്ല.

3. ഞാന്‍ ആരാധിച്ചുവരുന്നതിനെ നിങ്ങളും ആരാധിക്കുന്നവരല്ല.

4. നിങ്ങള്‍ ആരാധിച്ചുവന്നതിനെ ഞാന്‍ ആരാധിക്കാന്‍ പോകുന്നവനുമല്ല.

5. ഞാന്‍ ആരാധിച്ചു വരുന്നതിനെ നിങ്ങളും ആരാധിക്കാന്‍ പോകുന്നവരല്ല.

6. നിങ്ങള്‍ക്ക്‌ നിങ്ങളുടെ മതം. എനിക്ക്‌ എന്‍റെ മതവും.

009 തൌബ

5. അങ്ങനെ ആ വിലക്കപ്പെട്ടമാസങ്ങള്‍ കഴിഞ്ഞാല്‍ ആ ബഹുദൈവവിശ്വാസികളെ നിങ്ങള്‍ കണ്ടെത്തിയേടത്ത്‌ വെച്ച്‌ കൊന്നുകളയുക. അവരെ പിടികൂടുകയും വളയുകയും അവര്‍ക്കുവേണ്ടി പതിയിരിക്കാവുന്നിടത്തെല്ലാം പതിയിരിക്കുകയും ചെയ്യുക. ഇനി അവര്‍ പശ്ചാത്തപിക്കുകയും നമസ്കാരം മുറപോലെ നിര്‍വഹിക്കുകയും സകാത്ത്‌ നല്‍കുകയും ചെയ്യുന്ന പക്ഷം നിങ്ങള്‍ അവരുടെ വഴി ഒഴിവാക്കികൊടുക്കുക. തീര്‍ച്ചയായും അല്ലാഹു ഏറെ പൊറുക്കുന്നവനും കരുണാനിധിയുമാണ്‌.

ഹമീദ് ചേന്ദമംഗലൂരിന്റെ ലേഖനം

2010-04-23T11:43:00.002+05:30

ശ്രീ ഹമീദ് ചേന്ദമംഗലൂര്‍ മാതൃഭൂമി (മാര്‍ച്ച് 7, '10) ആഴ്ചപ്പതിപ്പില്‍ ഡോ.എന്‍.എം.മുഹമ്മദലിയുടെ പോസ്റ്റിന് നല്‍കിയ മറുപടി താഴെ പ്രസിദ്ധീകരിക്കുന്നു. അറബ് സാംസ്കാരിക ആധിപത്യത്തിന് മുസ്ലീം മത പ്രചാരകര്‍ നല്‍കുന്ന പിന്തുണയെ അദ്ദേഹം വളരെ ഭംഗിയായി ഇതില്‍ വിവരിച്ചിരിക്കുന്നു.

Hameed_ch

ഖുറനിലെ വൈരുദ്ധ്യങ്ങള്‍ - പ്രാര്‍ത്ഥനാ സമയത്ത് തിരിയേണ്ടത് എവിടേയ്ക്ക് ?

2010-04-07T14:55:00.002+05:30

താഴെയുള്ള രണ്ട് വാക്യങ്ങളില്‍ എവിടേയ്ക്ക് തിരിഞ്ഞു പ്രാര്‍ത്ഥിക്കുന്നു എന്നതിനു വലിയ പ്രാധാന്യമില്ലന്നു പറയുന്നു. പിന്നീടുള്ള വാക്യങ്ങളില്‍ പ്രാര്‍ത്ഥനാ സമയത്ത് ഖിബ്‌ലയുടെ നേരെ തിരിയണമെന്നാണ് ആവശ്യം. വിശ്വാസികള്‍ക്ക് ഇതില്‍ വൈരുദ്ധ്യം കാണാന്‍ സാധിക്കില്ലായിരിക്കും. പക്ഷേ, നിഷ്പക്ഷ മനോസോടെ ഖുറാനെ സമീപിക്കുന്നവര്‍ക്ക് അങ്ങനെയല്ല.

2:115 കിഴക്കും പടിഞ്ഞാറും അല്ലാഹുവിന്‍റെത്‌ തന്നെയാകുന്നു. നിങ്ങള്‍ എവിടേക്ക്‌ തിരിഞ്ഞ്‌ നിന്ന്‌ പ്രാര്‍ത്ഥിച്ചാലും അവിടെ അല്ലാഹുവിന്‍റെ മുഖമുണ്ടായിരിക്കും. അല്ലാഹു വിപുലമായ കഴിവുകളുള്ളവനും സര്‍വ്വജ്ഞനുമാകുന്നു.

2:177 നിങ്ങളുടെ മുഖങ്ങള്‍ കിഴക്കോട്ടോ പടിഞ്ഞാറോട്ടോ തിരിക്കുക എന്നതല്ല പുണ്യം എന്നാല്‍ അല്ലാഹുവിലും, അന്ത്യദിനത്തിലും, മലക്കുകളിലും, വേദഗ്രന്ഥത്തിലും, പ്രവാചകന്‍മാരിലും വിശ്വസിക്കുകയും, സ്വത്തിനോട്‌ പ്രിയമുണ്ടായിട്ടും അത്‌ ബന്ധുക്കള്‍ക്കും, അനാഥകള്‍ക്കും, അഗതികള്‍ക്കും, വഴിപോക്കന്നും, ചോദിച്ചു വരുന്നവര്‍ക്കും, അടിമമോചനത്തിന്നും നല്‍കുകയും, പ്രാര്‍ത്ഥന ( നമസ്കാരം ) മുറപ്രകാരം നിര്‍വഹിക്കുകയും, സകാത്ത്‌ നല്‍കുകയും, കരാറില്‍ ഏര്‍പെട്ടാല്‍ അത്‌ നിറവേറ്റുകയും, വിഷമതകളും ദുരിതങ്ങളും നേരിടുമ്പോഴും, യുദ്ധരംഗത്തും ക്ഷമ കൈക്കൊള്ളുകയും ചെയ്തവരാരോ അവരാകുന്നു പുണ്യവാന്‍മാര്‍. അവരാകുന്നു സത്യം പാലിച്ചവര്‍. അവര്‍ തന്നെയാകുന്നു ( ദോഷബാധയെ ) സൂക്ഷിച്ചവര്‍.

2:142 ഇവര്‍ ഇതുവരെ ( പ്രാര്‍ത്ഥനാവേളയില്‍ ) തിരിഞ്ഞുനിന്നിരുന്ന ഭാഗത്ത്‌ നിന്ന്‌ ഇവരെ തിരിച്ചുവിട്ട കാരണമെന്താണെന്ന്‌ മൂഢന്‍മാരായ ആളുകള്‍ ചോദിച്ചേക്കും. ( നബിയേ, ) പറയുക : അല്ലാഹുവിന്‍റെത്‌ തന്നെയാണ്‌ കിഴക്കും പടിഞ്ഞാറുമെല്ലാം. അവന്‍ ഉദ്ദേശിക്കുന്നവരെ അവന്‍ നേരായ മാര്‍ഗത്തിലേക്ക്‌ നയിക്കുന്നു.

2:143 അപ്രകാരം നാം നിങ്ങളെ ഒരു ഉത്തമ സമുദായമാക്കിയിരിക്കുന്നു. നിങ്ങള്‍ ജനങ്ങള്‍ക്ക്‌ സാക്ഷികളായിരിക്കുവാനും റസൂല്‍ നിങ്ങള്‍ക്ക്‌ സാക്ഷിയായിരിക്കുവാനും വേണ്ടി. റസൂലിനെ പിന്‍പറ്റുന്നതാരൊക്കെയെന്നും, പിന്‍മാറിക്കളയുന്നതാരൊക്കെയെന്നും തിരിച്ചറിയുവാന്‍ വേണ്ടി മാത്രമായിരുന്നു നീ ഇതുവരെ തിരിഞ്ഞു നിന്നിരുന്ന ഭാഗത്തെ നാം ഖിബ് ലയായി നിശ്ചയിച്ചത്‌. അല്ലാഹു നേര്‍വഴിയിലാക്കിയവരൊഴിച്ച്‌ മറ്റെല്ലാവര്‍ക്കും അത്‌ ( ഖിബ് ല മാറ്റം ) ഒരു വലിയ പ്രശ്നമായിത്തീര്‍ന്നിരിക്കുന്നു. അല്ലാഹു നിങ്ങളുടെ വിശ്വാസത്തെ പാഴാക്കിക്കളയുന്നതല്ല. തീര്‍ച്ചയായും അല്ലാഹു മനുഷ്യരോട്‌ അത്യധികം ദയയുള്ളവനും കരുണാനിധിയുമാകുന്നു.

2:144 ( നബിയേ, ) നിന്‍റെമുഖം ആകാശത്തേക്ക്‌ തിരിഞ്ഞുകൊണ്ടിരിക്കുന്നത്‌ നാം കാണുന്നുണ്ട്‌. അതിനാല്‍ നിനക്ക്‌ ഇഷ്ടമാകുന്ന ഒരു ഖിബ് ലയിലേക്ക്‌ നിന്നെ നാം തിരിക്കുകയാണ്‌. ഇനി മേല്‍ നീ നിന്‍റെമുഖം മസ്ജിദുല്‍ ഹറാമിന്‍റെനേര്‍ക്ക്‌ തിരിക്കുക. നിങ്ങള്‍ എവിടെയായിരുന്നാലും അതിന്‍റെനേര്‍ക്കാണ്‌ നിങ്ങള്‍ മുഖം തിരിക്കേണ്ടത്‌. വേദം നല്‍കപ്പെട്ടവര്‍ക്ക്‌ ഇത്‌ തങ്ങളുടെ രക്ഷിതാവിങ്കല്‍ നിന്നുള്ള സത്യമാണെന്ന്‌ നന്നായി അറിയാം. അവര്‍ പ്രവര്‍ത്തിക്കുന്നതിനെപ്പറ്റിയൊന്നും അല്ലാഹു അശ്രദ്ധനല്ല.

2:149 ഏതൊരിടത്ത്‌ നിന്ന്‌ നീ പുറപ്പെടുകയാണെങ്കിലും മസ്ജിദുല്‍ ഹറാമിന്‍റെനേര്‍ക്ക്‌ ( പ്രാര്‍ത്ഥനാവേളയില്‍ ) നിന്‍റെമുഖം തിരിക്കേണ്ടതാണ്‌. തീര്‍ച്ചയായും അത്‌ നിന്‍റെരക്ഷിതാവിങ്കല്‍നിന്നുള്ള യഥാര്‍ത്ഥ ( നിര്‍ദേശ ) മാകുന്നു. നിങ്ങള്‍ പ്രവര്‍ത്തിക്കുന്നതിനെപ്പറ്റിയൊന്നും അല്ലാഹു അശ്രദ്ധനല്ല.

2:150 ഏതൊരിടത്ത്‌ നിന്ന്‌ നീ പുറപ്പെടുകയാണെങ്കിലും മസ്ജിദുല്‍ ഹറാമിന്‍റെനേര്‍ക്ക്‌ നിന്‍റെമുഖം തിരിക്കേണ്ടതാണ്‌. ( സത്യവിശ്വാസികളേ, ) നിങ്ങള്‍ എവിടെയൊക്കെയായിരുന്നാലും അതിന്‍റെനേര്‍ക്കാണ്‌ നിങ്ങളുടെ മുഖം തിരിക്കേണ്ടത്‌. നിങ്ങള്‍ക്കെതിരായി ജനങ്ങള്‍ക്ക്‌ ഇനി യാതൊരു ന്യായവും ഇല്ലാതിരിക്കുവാന്‍ വേണ്ടിയാണിത്‌. അവരില്‍ പെട്ട ചില അതിക്രമകാരികള്‍ ( തര്‍ക്കിച്ചേക്കാമെന്നത്‌ ) അല്ലാതെ. എന്നാല്‍ നിങ്ങള്‍ അവരെ ഭയപ്പെടാതെ എന്നെ ഭയപ്പെടുക. എന്‍റെഅനുഗ്രഹം ഞാന്‍ നിങ്ങള്‍ക്ക്‌ പൂര്‍ത്തിയാക്കിത്തരുവാനും, നിങ്ങള്‍ സന്‍മാര്‍ഗം പ്രാപിക്കുവാനും വേണ്ടിയാണിതെല്ലാം.

ഖുറനിലെ വൈരുദ്ധ്യങ്ങള്‍ - അള്ളാഹുവിന്റെ കാരുണ്യം

2010-04-06T17:19:00.002+05:30

ഖുറാന്‍ ദൈവീകമാണെന്നു സ്ഥാപിക്കാന്‍ ഇസ്ലാമിസ്റ്റുകളുന്നയിക്കുന്ന ഒരു പ്രധാന വാദം അതില്‍ വൈരുദ്ധ്യങ്ങളില്ല എന്നാതാണ്. ഖുറാന്‍ തുറന്ന മനസ്സോടെ വായിക്കുന്ന ഏതൊരാള്‍ക്കും ഈ വാദത്തില്‍ കഴമ്പില്ലന്ന് മനസ്സിലാവും.

ഖുറാന്‍ തുടങ്ങുന്നത് അള്ളാഹൂ പരമകാരുണികനും കരുണാനിധിയുമാണെന്ന് പറഞ്ഞുകൊണ്ടാണ്. പക്ഷേ മുന്നോട്ടുള്ള അദ്ധ്യായങ്ങളില്‍ ക്രൂരനായ ഒരു ദൈവത്തെയാണ് ഖുറാന്‍ വരച്ചു കാട്ടുന്നത്. ഒന്നു മുതല്‍ മൂന്നു വരെയുള്ള അദ്ധ്യായങ്ങളില്‍ ഈ വിഷയത്തില്‍ ഞാന്‍ കണ്ട വൈരുദ്ധ്യങ്ങളാണ് താഴെ വിവരിക്കുന്നത്. ഇതൊരു വലിയ ചര്‍ച്ചയാക്കാന്‍ ഉദ്ദേശിക്കുന്നില്ല. ആര്‍ക്കെങ്കിലും വിശദികണമുണ്ടെങ്കില്‍ അവരുടെ ബ്ലോഗില്‍ പോസ്റ്റിട്ട് ലിങ്ക് കമന്റായി നല്‍കുക.

1:1 പരമകാരുണികനും കരുണാനിധിയുമായ അല്ലാഹുവിന്‍റെ നാമത്തില്‍ .

1:3 പരമകാരുണികനും കരുണാനിധിയും.

1:163 നിങ്ങളുടെ ദൈവം ഏകദൈവം മാത്രമാകുന്നു. അവനല്ലാതെ യാതൊരു ദൈവവുമില്ല. അവന്‍ പരമകാരുണികനും കരുണാനിധിയുമത്രെ.

-------------------------------------------------------------------------------------

1:7 നീ അനുഗ്രഹിച്ചവരുടെ മാര്‍ഗത്തില്‍ . കോപത്തിന്ന്‌ ഇരയായവരുടെ മാര്‍ഗത്തിലല്ല. പിഴച്ചുപോയവരുടെ മാര്‍ഗത്തിലുമല്ല.

2:6-7 സത്യനിഷേധികളെ സംബന്ധിച്ചിടത്തോളം നീ അവര്‍ക്ക്‌ താക്കീത്‌ നല്‍കിയാലും ഇല്ലെങ്കിലും സമമാകുന്നു. അവര്‍ വിശ്വസിക്കുന്നതല്ല. അവരുടെ മനസ്സുകള്‍ക്കും കാതിനും അല്ലാഹു മുദ്രവെച്ചിരിക്കുകയാണ്‌ . അവരുടെ ദൃഷ്ടികളിന്‍മേലും ഒരു മൂടിയുണ്ട്‌. അവര്‍ക്കാകുന്നു കനത്ത ശിക്ഷയുള്ളത്‌.

2:10 അവരുടെ മനസ്സുകളില്‍ ഒരുതരം രോഗമുണ്ട്‌. തന്നിമിത്തം അല്ലാഹു അവര്‍ക്ക്‌ രോഗം വര്‍ദ്ധിപ്പിക്കുകയും ചെയ്തു. കള്ളം പറഞ്ഞുകൊണ്ടിരുന്നതിന്‍റെഫലമായി വേദനയേറിയ ശിക്ഷയാണ്‌ അവര്‍ക്കുണ്ടായിരിക്കുക.

2:15 എന്നാല്‍ അല്ലാഹുവാകട്ടെ, അവരെ പരിഹസിക്കുകയും, അതിക്രമങ്ങളില്‍ വിഹരിക്കുവാന്‍ അവരെ അയച്ചുവിട്ടിരിക്കുകയുമാകുന്നു.

2:17-18 അവരെ ഉപമിക്കാവുന്നത്‌ ഒരാളോടാകുന്നു: അയാള്‍ തീ കത്തിച്ചു. പരിസരമാകെ പ്രകാശിതമായപ്പോള്‍ അല്ലാഹു അവരുടെ പ്രകാശം കെടുത്തിക്കളയുകയും ഒന്നും കാണാനാവാതെ ഇരുട്ടില്‍ ( തപ്പുവാന്‍ ) അവരെ വിടുകയും ചെയ്തു.

ബധിരരും ഊമകളും അന്ധന്‍മാരുമാകുന്നു അവര്‍. അതിനാല്‍ അവര്‍ ( സത്യത്തിലേക്ക്‌ ) തിരിച്ചുവരികയില്ല.

2:19 അല്ലെങ്കില്‍ ( അവരെ ) ഉപമിക്കാവുന്നത്‌ ആകാശത്തുനിന്നു ചൊരിയുന്ന ഒരു പേമാരിയോടാകുന്നു. അതോടൊപ്പം കൂരിരുട്ടും ഇടിയും മിന്നലുമുണ്ട്‌. ഇടിനാദങ്ങള്‍ നിമിത്തം മരണം ഭയന്ന്‌ അവര്‍ വിരലുകള്‍ ചെവിയില്‍ തിരുകുന്നു. എന്നാല്‍ അല്ലാഹു സത്യനിഷേധികളെ വലയം ചെയ്തിരിക്കുകയാണ്‌.

2:24 നിങ്ങള്‍ക്കത്‌ ചെയ്യാന്‍ കഴിഞ്ഞില്ലെങ്കില്‍ നിങ്ങള്‍ക്കത്‌ ഒരിക്കലും ചെയ്യാന്‍ കഴിയുകയുമില്ല മനുഷ്യരും കല്ലുകളും ഇന്ധനമായി കത്തിക്കപ്പെടുന്ന നരകാഗ്നിയെ നിങ്ങള്‍ കാത്തുസൂക്ഷിച്ചുകൊള്ളുക. സത്യനിഷേധികള്‍ക്കുവേണ്ടി ഒരുക്കിവെക്കപ്പെട്ടതാകുന്നു അത്‌.

2:39 അവിശ്വസിക്കുകയും നമ്മുടെ ദൃഷ്ടാന്തങ്ങള്‍ നിഷേധിച്ച്‌ തള്ളുകയും ചെയ്തവരാരോ അവരായിരിക്കും നരകാവകാശികള്‍. അവരതില്‍ നിത്യവാസികളായിരിക്കും.

2:65 നിങ്ങളില്‍ നിന്ന്‌ സബ്ത്ത്‌ (ശബ്ബത്ത്‌ ) ദിനത്തില്‍ അതിക്രമം കാണിച്ചവരെ പറ്റി നിങ്ങളറിഞ്ഞിട്ടുണ്ടല്ലോ. അപ്പോള്‍ നാം അവരോട്‌ പറഞ്ഞു: നിങ്ങള്‍ നിന്ദ്യരായ കുരങ്ങന്‍മാരായിത്തീരുക.

2:88 അവര്‍ പറഞ്ഞു: ഞങ്ങളുടെ മനസ്സുകള്‍ അടഞ്ഞുകിടക്കുകയാണ്‌. എന്നാല്‍ ( അതല്ല ശരി ) അവരുടെ നിഷേധം കാരണമായി അല്ലാഹു അവരെ ശപിച്ചിരിക്കുകയാണ്‌. അതിനാല്‍ വളരെ കുറച്ചേ അവര്‍ വിശ്വസിക്കുന്നുള്ളൂ.

2:90 അല്ലാഹു തന്‍റെദാസന്‍മാരില്‍ നിന്ന്‌ താന്‍ ഇച്ഛിക്കുന്നവരുടെ മേല്‍ തന്‍റെഅനുഗ്രഹം ഇറക്കികൊടുക്കുന്നതിലുള്ള ഈര്‍ഷ്യ നിമിത്തം അല്ലാഹു അവതരിപ്പിച്ച സന്ദേശത്തെ അവിശ്വസിക്കുക വഴി തങ്ങളുടെ ആത്മാക്കളെ വിറ്റുകൊണ്ടവര്‍ വാങ്ങിയ വില എത്ര ചീത്ത! അങ്ങനെ അവര്‍ കോപത്തിനു മേല്‍ കോപത്തിനു പാത്രമായി തീര്‍ന്നു. സത്യനിഷേധികള്‍ക്കത്രെ നിന്ദ്യമായ ശിക്ഷയുള്ളത്‌.

2:98 ആര്‍ക്കെങ്കിലും അല്ലാഹുവോടും അവന്‍റെമലക്കുകളോടും അവന്‍റെദൂതന്‍മാരോടും ജിബ്‌രീലിനോടും മീകാഈലിനോടുമെല്ലാം ശത്രുതയാണെങ്കില്‍ ആ നിഷേധികളുടെ ശത്രുതന്നെയാകുന്നു അല്ലാഹു.

2:159 നാമവതരിപ്പിച്ച തെളിവുകളും മാര്‍ഗദര്‍ശനവും വേദഗ്രന്ഥത്തിലൂടെ ജനങ്ങള്‍ക്ക്‌ നാം വിശദമാക്കികൊടുത്തതിന്‌ ശേഷം മറച്ചുവെക്കുന്നവരാരോ അവരെ അല്ലാഹു ശപിക്കുന്നതാണ്‌. ശപിക്കുന്നവരൊക്കെയും അവരെ ശപിക്കുന്നതാണ്‌.

2:161 സത്യം നിഷേധിക്കുകയും, നിഷേധികളായിത്തന്നെ മരിക്കുകയും ചെയ്തവരാരോ അവരുടെ മേല്‍ അല്ലാഹുവിന്‍റെയും മലക്കുകളുടെയും മനുഷ്യരുടെയും ഒന്നടങ്കം ശാപമുണ്ടായിരിക്കുന്നതാണ്‌.

2:174 അല്ലാഹു അവതരിപ്പിച്ച, വേദഗ്രന്ഥത്തിലുള്ള കാര്യങ്ങള്‍ മറച്ചുവെക്കുകയും, അതിന്നു വിലയായി തുച്ഛമായ നേട്ടങ്ങള്‍ നേടിയെടുക്കുകയും ചെയ്യുന്നവരാരോ അവര്‍ തങ്ങളുടെ വയറുകളില്‍ തിന്നു നിറക്കുന്നത്‌ നരകാഗ്നിയല്ലാതെ മറ്റൊന്നുമല്ല. ഉയിര്‍ത്തെഴുന്നേല്‍പിന്‍റെനാളില്‍ അല്ലാഹു അവരോട്‌ സംസാരിക്കുകയോ ( പാപങ്ങളില്‍ നിന്ന്‌ ) അവരെ സംശുദ്ധരാക്കുകയോ ചെയ്യുകയില്ല. അവര്‍ക്ക്‌ വേദനയേറിയ ശിക്ഷയുണ്ടായിരിക്കുകയും ചെയ്യും.

2:178 സത്യവിശ്വാസികളേ, കൊലചെയ്യപ്പെടുന്നവരുടെ കാര്യത്തില്‍ തുല്യശിക്ഷ നടപ്പാക്കുക എന്നത്‌ നിങ്ങള്‍ക്ക്‌ നിയമമാക്കപ്പെട്ടിരിക്കുന്നു. സ്വതന്ത്രനു പകരം സ്വതന്ത്രനും, അടിമയ്ക്കു പകരം അടിമയും, സ്ത്രീക്കു പകരം സ്ത്രീയും ( കൊല്ലപ്പെടേണ്ടതാണ്‌. ) ഇനി അവന്ന്‌ ( കൊലയാളിക്ക്‌ ) തന്‍റെസഹോദരന്‍റെപക്ഷത്ത്‌ നിന്ന്‌ വല്ല ഇളവും ലഭിക്കുകയാണെങ്കില്‍ അവന്‍ മര്യാദ പാലിക്കുകയും, നല്ല നിലയില്‍ ( നഷ്ടപരിഹാരം ) കൊടുത്തു വീട്ടുകയും ചെയ്യേണ്ടതാകുന്നു. നിങ്ങളുടെ രക്ഷിതാവിങ്കല്‍ നിന്നുള്ള ഒരു വിട്ടുവീഴ്ചയും കാരുണ്യവുമാകുന്നു അത്‌. ഇനി അതിനു ശേഷവും ആരെങ്കിലും അതിക്രമം പ്രവര്‍ത്തിക്കുകയാണെങ്കില്‍ അവന്‌ വേദനയേറിയ ശിക്ഷയുണ്ടായിരിക്കും.

2:191 അവരെ കണ്ടുമുട്ടുന്നേടത്ത്‌ വെച്ച്‌ നിങ്ങളവരെ കൊന്നുകളയുകയും, അവര്‍ നിങ്ങളെ പുറത്താക്കിയേടത്ത്‌ നിന്ന്‌ നിങ്ങള്‍ അവരെ പുറത്താക്കുകയും ചെയ്യുക. ( കാരണം, അവര്‍ നടത്തുന്ന ) മര്‍ദ്ദനം കൊലയേക്കാള്‍ നിഷ്ഠൂരമാകുന്നു. മസ്ജിദുല്‍ ഹറാമിന്നടുത്ത്‌ വെച്ച്‌ നിങ്ങള്‍ അവരോട്‌ യുദ്ധം ചെയ്യരുത്‌; അവര്‍ നിങ്ങളോട്‌ അവിടെ വെച്ച്‌ യുദ്ധം ചെയ്യുന്നത്‌ വരെ. ഇനി അവര്‍ നിങ്ങളോട്‌ ( അവിടെ വെച്ച്‌ ) യുദ്ധത്തില്‍ ഏര്‍പെടുകയാണെങ്കില്‍ അവരെ കൊന്നുകളയുക. അപ്രകാരമാണ്‌ സത്യനിഷേധികള്‍ക്കുള്ള പ്രതിഫലം.

2:193 മര്‍ദ്ദനം ഇല്ലാതാവുകയും, മതം അല്ലാഹുവിന്‌ വേണ്ടിയാവുകയും ചെയ്യുന്നത്‌ വരെ നിങ്ങളവരോട്‌ യുദ്ധം നടത്തിക്കൊള്ളുക. എന്നാല്‍ അവര്‍ ( യുദ്ധത്തില്‍ നിന്ന്‌ ) വിരമിക്കുകയാണെങ്കില്‍ ( അവരിലെ ) അക്രമികള്‍ക്കെതിരിലല്ലാതെ പിന്നീട്‌ യാതൊരു കയ്യേറ്റവും പാടുള്ളതല്ല.

2:194 വിലക്കപ്പെട്ടമാസത്തി (ലെ യുദ്ധത്തി) ന്‌ വിലക്കപ്പെട്ടമാസത്തില്‍ തന്നെ ( തിരിച്ചടിക്കുക. ) വിലക്കപ്പെട്ട മറ്റു കാര്യങ്ങള്‍ ലംഘിക്കുമ്പോഴും ( അങ്ങനെത്തന്നെ ) പ്രതിക്രിയ ചെയ്യേണ്ടതാണ്‌. അപ്രകാരം നിങ്ങള്‍ക്കെതിരെ ആര്‍ അതിക്രമം കാണിച്ചാലും അവന്‍ നിങ്ങളുടെ നേര്‍ക്ക്‌ കാണിച്ച അതിക്രമത്തിന്‌ തുല്യമായി അവന്‍റെനേരെയും അതിക്രമം കാണിച്ചുകൊള്ളുക. നിങ്ങള്‍ അല്ലാഹുവെ സൂക്ഷിക്കുകയും, അല്ലാഹു സൂക്ഷ്മത പാലിക്കുന്നവരോടൊപ്പമാണെന്ന്‌ മനസ്സിലാക്കുകയും ചെയ്യുക.

2:211 ഇസ്രായീല്യരോട്‌ നീ ചോദിച്ച്‌ നോക്കുക; വ്യക്തമായ എത്ര ദൃഷ്ടാന്തമാണ്‌ നാം അവര്‍ക്ക്‌ നല്‍കിയിട്ടുള്ളതെന്ന്‌. തനിക്ക്‌ അല്ലാഹുവിന്‍റെഅനുഗ്രഹം വന്നുകിട്ടിയതിനു ശേഷം വല്ലവനും അതിന്‌ വിപരീതം പ്രവര്‍ത്തിക്കുകയാണെങ്കില്‍ തീര്‍ച്ചയായും അല്ലാഹു കഠിനമായി ശിക്ഷിക്കുന്നവനാകുന്നു.

2:217 വിലക്കപ്പെട്ടമാസത്തില്‍ യുദ്ധം ചെയ്യുന്നതിനെപ്പറ്റി അവര്‍ നിന്നോട്‌ ചോദിക്കുന്നു. പറയുക: ആ മാസത്തില്‍ യുദ്ധം ചെയ്യുന്നത്‌ വലിയ അപരാധം തന്നെയാകുന്നു. എന്നാല്‍ അല്ലാഹുവിന്‍റെമാര്‍ഗത്തില്‍ നിന്ന്‌ ( ജനങ്ങളെ ) തടയുന്നതും, അവനില്‍ അവിശ്വസിക്കുന്നതും, മസ്ജിദുല്‍ ഹറാമില്‍ നിന്നു ( ജനങ്ങളെ ) തടയുന്നതും, അതിന്‍റെഅവകാശികളെ അവിടെ നിന്ന്‌ പുറത്താക്കുന്നതും അല്ലാഹുവിന്‍റെഅടുക്കല്‍ കൂടുതല്‍ ഗൌരവമുള്ളതാകുന്നു. കുഴപ്പം കൊലയേക്കാള്‍ ഗുരുതരമാകുന്നു. അവര്‍ക്ക്‌ സാധിക്കുകയാണെങ്കില്‍ നിങ്ങളുടെ മതത്തില്‍ നിന്ന്‌ നിങ്ങളെ പിന്തിരിപ്പിക്കുന്നത്‌ വരെ അവര്‍ നിങ്ങളോട്‌ യുദ്ധം ചെയ്തുകൊണ്ടിരിക്കും. നിങ്ങളില്‍ നിന്നാരെങ്കിലും തന്‍റെമതത്തില്‍ നിന്ന്‌ പിന്‍മാറി സത്യനിഷേധിയായിക്കൊണ്ട്‌ മരണപ്പെടുന്ന പക്ഷം, അത്തരക്കാരുടെ കര്‍മ്മങ്ങള്‍ ഇഹത്തിലും പരത്തിലും നിഷ്ഫലമായിത്തീരുന്നതാണ്‌. അവരാകുന്നു നരകാവകാശികള്‍. അവരതില്‍ നിത്യവാസികളായിരിക്കും.

2:257 വിശ്വസിച്ചവരുടെ രക്ഷാധികാരിയാകുന്നു അല്ലാഹു. അവന്‍ അവരെ ഇരുട്ടുകളില്‍ നിന്ന്‌ വെളിച്ചത്തിലേക്ക്‌ കൊണ്ടു വരുന്നു. എന്നാല്‍ സത്യനിഷേധികളുടെ രക്ഷാധികാരികള്‍ ദുര്‍മൂര്‍ത്തികളാകുന്നു. വെളിച്ചത്തില്‍ നിന്ന്‌ ഇരുട്ടുകളിലേക്കാണ്‌ ആ ദുര്‍മൂര്‍ത്തികള്‍ അവരെ നയിക്കുന്നത്‌. അവരത്രെ നരകാവകാശികള്‍. അവരതില്‍ നിത്യവാസികളാകുന്നു.

3:10 സത്യനിഷേധം കൈക്കൊണ്ടവര്‍ക്ക്‌ അവരുടെ സ്വത്തുക്കളോ സന്താനങ്ങളോ അല്ലാഹുവിങ്കല്‍ യാതൊരു പ്രയോജനവും ചെയ്യുകയില്ല; തീര്‍ച്ച. അവരാകുന്നു നരകത്തിലെ ഇന്ധനമായിത്തീരുന്നവര്‍.

3:12 ( നബിയേ, ) നീ സത്യനിഷേധികളോട്‌ പറയുക: നിങ്ങള്‍ കീഴടക്കപ്പെടുന്നതും നരകത്തിലേക്ക്‌ കൂട്ടത്തോടെ നയിക്കപ്പെടുന്നതുമാണ്‌. അതെത്ര ചീത്തയായ വിശ്രമസ്ഥലം!

3:19 തീര്‍ച്ചയായും അല്ലാഹുവിങ്കല്‍ മതം എന്നാല്‍ ഇസ്ലാമാകുന്നു. വേദഗ്രന്ഥം നല്‍കപ്പെട്ടവര്‍ തങ്ങള്‍ക്ക്‌ ( മതപരമായ ) അറിവ്‌ വന്നുകിട്ടിയ ശേഷം തന്നെയാണ്‌ ഭിന്നിച്ചത്‌. അവര്‍ തമ്മിലുള്ള കക്ഷിമാത്സര്യം നിമിത്തമത്രെ അത്‌. വല്ലവരും അല്ലാഹുവിന്‍റെ തെളിവുകള്‍ നിഷേധിക്കുന്നുവെങ്കില്‍ അല്ലാഹു അതിവേഗം കണക്ക്‌ ചോദിക്കുന്നവനാകുന്നു.

3:28 സത്യവിശ്വാസികള്‍ സത്യവിശ്വാസികളെയല്ലാതെ സത്യനിഷേധികളെ മിത്രങ്ങളാക്കിവെക്കരുത്‌. - അങ്ങനെ വല്ലവനും ചെയ്യുന്ന പക്ഷം അല്ലാഹുവുമായി അവന്ന്‌ യാതൊരു ബന്ധവുമില്ല- നിങ്ങള്‍ അവരോട്‌ കരുതലോടെ വര്‍ത്തിക്കുകയാണെങ്കിലല്ലാതെ. അല്ലാഹു അവനെപ്പറ്റി നിങ്ങള്‍ക്ക്‌ താക്കീത്‌ നല്‍കുന്നു. അല്ലാഹുവിങ്കലേക്കത്രെ ( നിങ്ങള്‍ ) തിരിച്ചുചെല്ലേണ്ടത്‌.

3:32 പറയുക: നിങ്ങള്‍ അല്ലാഹുവെയും റസൂലിനെയും അനുസരിക്കുവിന്‍. ഇനി അവര്‍ പിന്തിരിഞ്ഞുകളയുന്ന പക്ഷം അല്ലാഹു സത്യനിഷേധികളെ സ്നേഹിക്കുന്നതല്ല; തീര്‍ച്ച.

3:54 അവര്‍ ( സത്യനിഷേധികള്‍ ) തന്ത്രം പ്രയോഗിച്ചു. അല്ലാഹുവും തന്ത്രം പ്രയോഗിച്ചു. അല്ലാഹു നന്നായി തന്ത്രം പ്രയോഗിക്കുന്നവനാകുന്നു.

3:85 ഇസ്ലാം ( ദൈവത്തിനുള്ള ആത്മാര്‍പ്പണം ) അല്ലാത്തതിനെ ആരെങ്കിലും മതമായി ആഗ്രഹിക്കുന്ന പക്ഷം അത്‌ അവനില്‍ നിന്ന്‌ ഒരിക്കലും സ്വീകരിക്കപ്പെടുന്നതല്ല. പരലോകത്തില്‍ അവന്‍ നഷ്ടക്കാരില്‍ പെട്ടവനുമായിരിക്കും.

3:86 വിശ്വാസത്തിന്‌ ശേഷം അവിശ്വാസം സ്വീകരിച്ച ഒരു ജനതയെ അല്ലാഹു എങ്ങനെ നേര്‍വഴിയിലാക്കും? അവരാകട്ടെ ദൈവദൂതന്‍ സത്യവാനാണെന്ന്‌ സാക്ഷ്യം വഹിച്ചിട്ടുണ്ട്‌. അവര്‍ക്ക്‌ വ്യക്തമായ തെളിവുകള്‍ വന്നുകിട്ടിയിട്ടുമുണ്ട്‌. അക്രമികളായ ആ ജനവിഭാഗത്തെ അല്ലാഹു നേര്‍വഴിയിലാക്കുന്നതല്ല.

3:87 അല്ലാഹുവിന്‍റെയും മലക്കുകളുടെയും മനുഷ്യരുടെയും എല്ലാം ശാപം അവരുടെ മേലുണ്ടായിരിക്കുക എന്നതത്രെ അവര്‍ക്കുള്ള പ്രതിഫലം.

3:88 അവര്‍ അതില്‍ ( ശാപഫലമായ ശിക്ഷയില്‍ ) സ്ഥിരവാസികളായിരിക്കുന്നതാണ്‌. അവര്‍ക്ക്‌ ശിക്ഷ ലഘൂകരിക്കപ്പെടുന്നതല്ല. അവര്‍ക്ക്‌ അവധി നല്‍കപ്പെടുകയുമില്ല.

3:90 വിശ്വസിച്ചതിന്‌ ശേഷം അവിശ്വാസികളായി മാറുകയും, അവിശ്വാസം കൂടിക്കൂടി വരികയും ചെയ്ത വിഭാഗത്തിന്‍റെ പശ്ചാത്താപം ഒരിക്കലും സ്വീകരിക്കപ്പെടുകയില്ല. അവരത്രെ വഴിപിഴച്ചവര്‍.

3:91 അവിശ്വസിക്കുകയും അവിശ്വാസികളായിക്കൊണ്ട്‌ മരിക്കുകയും ചെയ്തവരില്‍പെട്ട ഒരാള്‍ ഭൂമി നിറയെ സ്വര്‍ണം പ്രായശ്ചിത്തമായി നല്‍കിയാല്‍ പോലും അത്‌ സ്വീകരിക്കപ്പെടുന്നതല്ല. അവര്‍ക്കാണ്‌ വേദനയേറിയ ശിക്ഷയുള്ളത്‌. അവര്‍ക്ക്‌ സഹായികളായി ആരുമുണ്ടായിരിക്കുന്നതുമല്ല.

3:116 സത്യനിഷേധികളെ സംബന്ധിച്ചിടത്തോളം അവരുടെ സ്വത്തുകളോ സന്താനങ്ങളോ അല്ലാഹുവിന്‍റെ ശിക്ഷയില്‍ നിന്ന്‌ അവര്‍ക്ക്‌ ഒട്ടും രക്ഷനേടികൊടുക്കുന്നതല്ല. അവരാണ്‌ നരകാവകാശികള്‍. അവരതില്‍ നിത്യവാസികളായിരിക്കും.

3:127 സത്യനിഷേധികളില്‍ നിന്ന്‌ ഒരു ഭാഗത്തെ ഉന്‍മൂലനം ചെയ്യുകയോ, അല്ലെങ്കില്‍ അവരെ കീഴൊതുക്കിയിട്ട്‌ അവര്‍ നിരാശരായി പിന്തിരിഞ്ഞോടുകയോ ചെയ്യാന്‍ വേണ്ടിയത്രെ അത്‌.

3:131 സത്യനിഷേധികള്‍ക്ക്‌ ഒരുക്കിവെക്കപ്പെട്ട നരകാഗ്നിയെ നിങ്ങള്‍ സൂക്ഷിക്കുകയും ചെയ്യുക.

3:149 സത്യവിശ്വാസികളേ, സത്യനിഷേധികളെ നിങ്ങള്‍ അനുസരിച്ച്‌ പോയാല്‍ അവര്‍ നിങ്ങളെ പുറകോട്ട്‌ തിരിച്ചുകൊണ്ടു പോകും. അങ്ങനെ നിങ്ങള്‍ നഷ്ടക്കാരായി മാറിപ്പോകും.

3:151 സത്യനിഷേധികളുടെ മനസ്സുകളില്‍ നാം ഭയം ഇട്ടുകൊടുക്കുന്നതാണ്‌. അല്ലാഹു യാതൊരു പ്രമാണവും അവതരിപ്പിച്ചിട്ടില്ലാത്ത വസ്തുക്കളെ അല്ലാഹുവോട്‌ അവര്‍ പങ്കുചേര്‍ത്തതിന്‍റെ ഫലമാണത്‌. നരകമാകുന്നു അവരുടെ സങ്കേതം. അക്രമികളുടെ പാര്‍പ്പിടം എത്രമോശം!

3:152 അല്ലാഹുവിന്‍റെ അനുമതി പ്രകാരം നിങ്ങളവരെ കൊന്നൊടുക്കിക്കൊണ്ടിരുന്നപ്പോള്‍ നിങ്ങളോടുള്ള അല്ലാഹുവിന്‍റെ വാഗ്ദാനത്തില്‍ അവന്‍ സത്യം പാലിച്ചിട്ടുണ്ട്‌.......

3:166 രണ്ട്‌ സംഘങ്ങള്‍ ഏറ്റുമുട്ടിയ ആ ദിവസം നിങ്ങള്‍ക്ക്‌ ബാധിച്ച വിപത്ത്‌ അല്ലാഹുവിന്‍റെ അനുമതിയോടെത്തന്നെയാണുണ്ടായത്‌. സത്യവിശ്വാസികളാരെന്ന്‌ അവന്‌ തിരിച്ചറിയുവാന്‍ വേണ്ടിയുമാകുന്നു അത്‌.

3:178 സത്യനിഷേധികള്‍ക്ക്‌ നാം സമയം നീട്ടികൊടുക്കുന്നത്‌ അവര്‍ക്ക്‌ ഗുണകരമാണെന്ന്‌ അവര്‍ ഒരിക്കലും വിചാരിച്ചു പോകരുത്‌. അവരുടെ പാപം കൂടിക്കൊണ്ടിരിക്കാന്‍ വേണ്ടി മാത്രമാണ്‌ നാമവര്‍ക്ക്‌ സമയം നീട്ടികൊടുക്കുന്നത്‌. അപമാനകരമായ ശിക്ഷയാണ്‌ അവര്‍ക്കുള്ളത്‌.

3:197 തുച്ഛമായ ഒരു സുഖാനുഭവമാകുന്നു അത്‌. പിന്നീട്‌ അവര്‍ക്കുള്ള സങ്കേതം നരകമത്രെ. അതെത്ര മോശമായ വാസസ്ഥലം!

ലത്തീഫിന്റെ പോസ്റ്റില്‍ ഇട്ട കമന്റ്

2010-03-24T13:12:00.003+05:30

ശ്രീ ലത്തീഫിന്റെ നുണകള്‍ ആവര്‍ത്തിക്കപ്പെടുന്നു എന്ന പോസ്റ്റില്‍ എഴുതിയ കമന്റ് താഴെക്കൊടുക്കുന്നു. അദ്ദേഹം എന്തുകൊണ്ടോ അതു ഡിലീറ്റ് ചെയ്തിരുന്നു.

ഇസ്ലാമില്‍ വിഗ്രഹാരാധനയില്ല ഏകദൈവമായ അല്ലാഹുവിനെ മാത്രമെ ആരാധിക്കുന്നുള്ളു എന്നുസ്ഥാപിക്കാനാണ് തങ്കളുടെ ശ്രമം എന്നു തോന്നുന്നു. വിഗ്രഹം എന്നാല്‍ ദൈവത്തിന്റെ ഒരു പ്രീതീകംമാത്രമാണെന്നും അവയെ ആരാധിക്കുന്നതിലൂടെ തങ്ങള്‍ ദൈവത്തെ തന്നെയാണ്ആരാധിക്കുന്നതെന്നുമാണ് വിഗ്രഹാരാധകര്‍ പറഞ്ഞുകേട്ടിട്ടുള്ളത്. ഇത്തരം ദൈവ പ്രതീകങ്ങളെആരാധിക്കുന്നതില്‍ തെറ്റില്ലന്ന് ഖുറാന്‍ തന്നെ പറയുന്നു:

2:158ല്‍ “നിശ്ചയം സഫായും മര്‍വായും അല്ലാഹുവിന്റെ പ്രതീകങ്ങള്‍ തന്നെ. അതിനാല്‍ അവയെതവാഫ് ചെയ്യുന്നതില്‍ തെറ്റില്ല.”

2:158 (Asad) [Hence,] behold, As-Safa and Al-Marwah are among the symbols set up by God; [126] and thus, no wrong does he who, having come to the Temple on pilgrimage or on a pious visit, strides to and fro between these two: [127] for, if one does more good than he is bound to do-behold, God is responsive to gratitude, all-knowing. [128]

സഫാ മര്‍‌വാ മലകള്‍ക്കിടയിലൂടെയുള്ള ഓട്ടം വിഗ്രഹാരാധനയല്ലങ്കില്‍ പിന്നെയെന്ത്?

കബയുടെ കോണില്‍ വച്ചിരിക്കുന്ന കറുത്തകല്ലി (ഹജ്ജറുല്‍ അസ്‌വദ്‌) നെ ഹജ്ജ് സമയത്ത്തീര്‍ത്ഥാടകര്‍ മുത്തം വയ്ക്കാറുണ്ട്. ഈ കല്ല് പാപങ്ങള്‍ വലിച്ചെടുക്കുമെന്ന് സങ്കല്പിക്കുന്നു. ഇസ്ലാമിനുമുമ്പു തീര്‍ത്ഥാടകര്‍ പൂര്‍ണ്ണ നഗ്നരായി കാബക്കു ചുറ്റും വലം‌വയ്ക്കുന്ന ആചാരവും സ്ത്രീയോനി ചിഹ്നമായഹജ്ജറുല്‍ അസ്‌വദിനെ ചുമ്പിക്കുന്ന ആചരവും ഇസ്ലാം മതത്തിലേക്ക് കടമെടുത്തിരിക്കുന്നത്എന്തുകൊണ്ട്. തീര്‍ത്ഥാടകരോട് തയ്യലില്ലാത്ത വസ്ത്രം (ഷീറ്റ്) കൊണ്ട് ശരീരം മൂടുവാന്‍ ആവശ്യപ്പെടുകമാത്രമാണ് മുഹമ്മദ് ചെയ്തത്. ഹജ്ജിനുപോകുന്നവര്‍ അണ്ടര്‍വെയര്‍ ഉപയോഗിക്കാറില്ലന്ന തമാശഇന്നും നിലനില്‍ക്കുന്നു. സ്ത്രീകള്‍ക്കും ഈ നിയമം ബാധകമാണ്.

കറുത്ത കല്ലിന്റെ കഥ കേള്‍ക്കുവാന്‍ ക്ലിക്കു ചെയ്യുക.

കാബ വര്‍ഷം തോറും സൗദി ഭരണപ്രമുഖരുടെ നേതൃത്വത്തില്‍ പുണ്യജലം കൊണ്ടു കഴുകാറുണ്ട്. അതില്‍തൂക്കിയിടുന്ന തുണി വര്‍ഷം തോറും മാറ്റുകയും, പഴയ തുണിക്കഷ്ണങ്ങള്‍ ഭക്തര്‍ക്ക് സൂക്ഷിച്ചു വയ്ക്കാന്‍വിതരണം ചെയ്യുകയും ചെയ്യുന്നു. വിമാനം വഴിയും കപ്പല്‍ വഴിയും ലോകം മുഴുവന്‍ സം സം ജലംവിതരണം നടത്തുന്നു.

കല്ലിനെ പ്രദക്ഷിണം ചെയ്യുക, കല്ലിനെ ചുംബിക്കുക, കല്ലിനെ പിശാചെന്നു കരുതി കല്ലെറിയുക,തലമുണ്ഡനം ചെയ്യുക, ഒട്ടകങ്ങളെ കൊന്നു ദൈവത്തിനു സമര്‍പ്പിക്കുക എന്നിങ്ങനെ പല ആചാരങ്ങളുംഹജ്ജിനോടനുബന്ധിച്ച നടത്തപ്പെടുന്നു. ഹിന്ദുക്കളും മറ്റും അവരുടെ പ്രാര്‍ഥനയ്ക്കു മാത്രമേവിഗ്രഹങ്ങളെ പരിഗണിക്കാറുള്ളൂ. മുസ്ലിംങ്ങള്‍ മലമൂത്രവിസര്‍ജ്ജനം ചെയ്യുമ്പോള്‍ പോലും ഈകല്ലുകള്‍ക്ക് നേരെ തിരിയാതിരിക്കാന്‍ ശ്രദ്ധിക്കുന്നു. നബിയെയും മുസ്ലിം സമൂഹത്തെ മുഴുവനുംകല്ലാരാധനയിലകപ്പെടുത്താന്‍ കഴിഞ്ഞത് പിശാചിന്റെ സൂത്രമായിരിക്കാം.

ആരാധനാ സമയത്ത് വിശ്വാസികള്‍ കാബക്ക് നേരെ തിരിഞ്ഞു നില്‍ക്കണം പോലും. ഭൂമിപരന്നിട്ടാണെന്ന് തെറ്റിദ്ധരിച്ച അള്ളായും, മുഹമ്മദും കൂടി നല്‍കിയ ഒരു നിര്‍ദ്ദേശമാണിത്. കാബയുടെമറുവശത്തുള്ള ഭൂ വിഭാഗത്തിലെ വിശ്വാസികള്‍ എങ്ങിനെ കാബയുടെ നേരെ തിരിയും എന്നുചിന്തിക്കേണ്ട ആവശ്യം അവര്‍ക്കില്ലായിരുന്നല്ലോ.

ആരാധനയുടെ കാര്യത്തില്‍ മുസ്ലീം വിശ്വാസികളുടെ ഇടയില്‍ പോലും ഐക്യം ഇല്ലന്നതാണ് വസ്തുത. മമ്പറത്തേക്കും, അജ്മീരിലേക്കും, കാശ്മീരിലെ രോമം വച്ചിരിക്കുന്ന രോമപ്പള്ളിയിലേക്കും മറ്റും ഒരു വിഭാഗംതീര്‍ത്ഥയാത്ര നടത്തുമ്പോള്‍ മറുവിഭാഗം അവരെ പരിഹസിക്കുന്നു. ഇതെല്ലാം ചെയ്തിട്ട് ഇസ്ലാംവിഗ്രഹാരാധനയില്ലാ‍ത്ത മതമാണെന്ന് തെറ്റിദ്ധരിപ്പിക്കുകയും ചെയ്യുന്നു.

ഗൂഗിള്‍ കേരളാമാപ്പ്

2010-01-25T18:45:00.002+05:30

ഗൂഗിള്‍ കേരളത്തിന്റെ ഉയര്‍ന്ന റസല്യൂഷനിലുള്ള (5 mtr.) ഉപഗ്രഹ മാപ്പ് നിര്‍മ്മിക്കുന്നതിനെ സംബന്ധിച്ച് കേരളത്തിന്റെ ഇന്റലിജന്‍സ് മേധാവി സിബി മാത്യൂസ് നല്‍കിയ റിപ്പോര്‍ട്ട് നമ്മുടെ അധികാരികളുടെ പഴഞ്ചന്‍ ചിന്താഗതിക്ക് ഉദാഹരണമാണ്. ഈ പ്രവര്‍ത്തനം ഇന്ത്യയുടെ സുരക്ഷിതത്വത്തിനു ഹാനികരമെന്നാണ് ഇവരുടെ വാദം. നമ്മുടെ പ്രതിരോധ സ്ഥാപനങ്ങള്‍ , വിദ്യുച്ഛക്തി നിലയങ്ങള്‍ തുടങ്ങിയവ ശത്രുക്കള്‍ക്ക് ലക്ഷ്യം വയ്ക്കാന്‍ ഇത്തരം മാപ്പുകള്‍ സഹായിക്കുമെന്നാണ് ഇവരുടെ വാദം. ലോകത്തിന്റെ പ്രധാനപ്പെട്ട എല്ലാ പ്രദേശങ്ങളുടെയും ഉയര്‍ന്ന റസല്യൂഷനിലുള്ള ഉപഗ്രഹ ചിത്രങ്ങള്‍ ഗൂഗിള്‍ മാപ്പിലും ഗൂഗിള്‍ എര്‍ത്തിലും വര്‍ഷങ്ങളായി ലഭിക്കുന്നുണ്ട്. തന്നെയുമല്ല ലോകത്തിന്റെ ഏതൊരു പ്രദേശത്തിന്റെയും ഉപഗ്രഹചിത്രങ്ങള്‍ ആവശ്യക്കര്‍ക്ക് ഒരു നിശ്ചിത തുക നല്‍കിയാല്‍ കൊടുക്കുവാന്‍ തയ്യാറായി പല കമ്പനികളും രംഗത്തുണ്ട്. ദുരിതാശ്വാസ പ്രവര്‍ത്തനങ്ങള്‍ക്കും, ഭൂമിശാസ്ത്ര പഠനത്തിനും, ഉപരിതല ഗതാഗതത്തിനും മറ്റും വളരെ പ്രയോജനപ്രദമാണ് ഇത്തരം മാപ്പുകള്‍ . സര്‍ക്കാറിന്റെ പ്ലാനിംഗ് വിഭാഗത്തിന് ഇത്തരം മാപ്പുകള്‍ വളരെ പ്രയോജന പ്രദമാണ്. ഭൂകമ്പം താറുമാറാക്കിയ ഹെയ്‌തി തലസ്ഥാനത്തിന്റെ ഉയര്‍ന്ന റസല്യൂഷ്യനിലുള്ള ഉപഗ്രഹ ചിത്രങ്ങള്‍ ദുരിതാസശ്വാസ പ്രവര്‍ത്തനത്തിന് വേഗത നല്‍കുന്നു.

ഭൂമിയുടെ ഉപരിതലം സകാന്‍ ചെയ്തുകൊണ്ടിരിക്കുന്ന എത്രയോ ഉപഗ്രഹങ്ങള്‍ ഇപ്പോള്‍ തന്നെ ഭ്രമണപഥത്തില്‍ ഉണ്ട്. വളരെ ചുരുങ്ങിയ സമയത്തിനുള്ളില്‍ ഭൂമിയുടെ ഏതുകോണിന്റെയും ചിത്രം എടുക്കാന്‍ ഇന്ന് സാധിക്കും. വസ്തുതകള്‍ ഇങ്ങനെയിരിക്കെ നമ്മുടെ ഇന്റലിജന്‍സിന്റെ എതിര്‍പ്പ് ബാലിശമായിതോന്നുന്നു. ശാസ്ത്രത്തിന്റെ ഇത്തരം സംഭാവനകളെ എങ്ങനെ പ്രയോജനപ്പെടുത്താം എന്നാണ് നാം ചിന്തിക്കേണ്ടത്.

മകരവിളക്ക് മനോരമയില്‍

2010-01-14T09:44:00.003+05:30

മകരവിളക്കിനെക്കുറിച്ച് ഇന്ന് മനോരമയില്‍ വന്ന റിപ്പോര്‍ട്ടാണ് മുകളില്‍.

പൊന്നമ്പല മേട്ടിലെ മകരവിളക്ക് അവിടെ മനുഷ്യന്‍ തന്നെ കത്തിക്കുന്നതാണെന്ന് ദേവസ്വം മന്ത്രിയും, ശബരിമല തന്ത്രിയും പറഞ്ഞിട്ടും മനോരമ പത്രം സമ്മതിക്കില്ല. അവര്‍ക്ക് ഇന്നും അത് ദേവഗണങ്ങളുടെ ദീപാരാധാനയാണ്. രാജാവിനെക്കാള്‍ വലിയ രാജഭക്തിയാണ് നമ്മുടെ മാധ്യമങ്ങള്‍ ഇക്കാര്യത്തില്‍ കാണിക്കുന്നത്. മനോരമ ചാനലില്‍ക്കൂടി ഇതിന്റെ പിന്നിലുള്ള കള്ളത്തരം നേരത്തെ പുറത്തു വിട്ടിരുന്നു എന്ന കാര്യം വിസ്മരിക്കുന്നില്ല. വീഡിയോ കാണുവാന്‍ ക്ലിക്കു ചെയ്യുക. ഇതു മാത്രമല്ല തിരുവാഭരണങ്ങള്‍ ചാര്‍ത്തി ദീപാരധനയ്ക്കു നട തുറക്കുമ്പോഴാണത്രെ കിഴക്ക് മകര നക്ഷത്രം ഉദിക്കുന്നത്. ദീപാരാധനയ്ക്കു നട അടയ്ക്കുന്നതിനു എത്രയോ മുമ്പ് ഉദിച്ച ആ നക്ഷത്രത്തെ നാം കാണുന്നു. മകര വിളക്ക് തല്‍സമയ സം‌പ്രേക്ഷണം കാണുന്ന എല്ലാവര്‍ക്കും ഇക്കാര്യം അറിവുള്ളതാണ്. പരുന്തു പറക്കല്‍, പേട്ടതുള്ളലിനു മുമ്പുള്ള വെള്ളിനക്ഷത്രം ഉദിക്കല്‍ തുടങ്ങിയ പ്രചരണവും ഇതേപോലുള്ള കള്ളത്തരമാണ് എന്ന് കരുതിയാല്‍ തെറ്റില്ല.

ഇത്തരം അസത്യ പ്രചരണം മനോരമയുടെ വിശ്വാസ്യതിക്ക് മങ്ങലേല്‍‌പിക്കുമെന്ന കാര്യത്തില്‍ സംശയമൊന്നുമില്ല. ഭക്തിഭ്രാന്ത് തലയ്ക്കുപിടിച്ച കുറെ അന്ധവിശ്വാസികള്‍ ഇതൊക്കെ സത്യമാണെന്ന് കരുതിയേക്കാം. മനോരമയെപ്പോലെ പ്രചാരത്തില്‍ ഇന്ത്യയില്‍ ഒന്നാമതു നില്‍ക്കുന്ന ഒരു മാദ്ധ്യമത്തിന് യോജിച്ച ഒരു പ്രവര്‍ത്തിയല്ല ഇത്. അന്ധവിശ്വാസത്തില്‍ ആഴ്‌ന്നു കഴിയുന്ന ജനങ്ങളെ അതില്‍ നിന്നും മോചിപ്പിക്കേണ്ട കടമ മാദ്ധ്യമങ്ങള്‍ക്കും ഉണ്ട്. ഈ ഉത്തരവാദിത്വത്തില്‍ നിന്നും പിന്നോട്ടു പോയി തങ്ങളുടെ പ്രചാരം വര്‍ദ്ധിപ്പിക്കുക എന്ന ഒറ്റ ലക്ഷ്യം മുന്നില്‍ കണ്ട് എന്ത് മണ്ടത്തരവും എഴുതി വിടുക എന്ന പ്രവര്‍ത്തിയില്‍ നിന്നും മാദ്ധ്യമങ്ങള്‍ പിന്തിരിയേണ്ടതാണ്.

ഇസ്ലാമിക് ബാങ്ക്

2009-12-09T10:47:00.001+05:30

ഇന്ത്യയിലെ ആദ്യത്തെ ഇസ്ലാമിക് ബാങ്ക് കേരള സര്‍ക്കാര്‍ നിയന്ത്രണത്തില്‍ തുടങ്ങുവാന്‍ പോകുന്നു. സര്‍ക്കാര്‍ ഉടമസ്ഥതയിലുള്ള സംസ്ഥാന വ്യവസായ വികസന കോര്‍പ്പറേഷന്റെ (KSIDC) മുതല്‍ മുടക്ക് ഇതില്‍ 11% ആയിരിക്കും. ഗള്‍ഫാര്‍ ഗ്രൂപ്പ് ഡയറക്ടര്‍ മുഹമ്മദ് അലി, EMKE Group ഡയറക്‌ടര്‍ യൂസഫ് അലി, മുത്തൂറ്റ് ഗ്രൂപ്പ് തുടങ്ങിയവരാണ് ഇതില്‍ വന്‍‌തോതില്‍ മുതല്‍ മുടക്ക് നടത്തുന്നതെന്ന് വാര്‍ത്തകളില്‍ കാണുന്നു. മുസ്ലീം വ്യക്തിനിയമങ്ങള്‍ പാലിക്കുന്ന ഈ ബാങ്ക് മദ്യം, പന്നിയിറച്ചി, സിനിമ, തുടങ്ങിയ വ്യവസായങ്ങളില്‍ നിക്ഷേപം നടത്തില്ല എന്നു പറയപ്പെടുന്നു. റിസര്‍‌വ്വ് ബാങ്ക് പഠന സംഘം ഇത്തരം ബാങ്ക് എന്ന ആശയം നേരത്തെ തള്ളിക്കളഞ്ഞതാണെങ്കിലും, ബാങ്ക് പരിഷ്കരണ കമ്മിറ്റിയുടെ പിന്തുണ ഇതിനുണ്ടുപോലും. ഓഹരി വിപണിയില്‍ നിക്ഷേപം നടത്തുന്നത് ശരിയത്ത് അനുസരിച്ച് ശരിയോ തെറ്റോ എന്ന തര്‍ക്കം തുടങ്ങിക്കഴിഞ്ഞു. ഇനി സുന്നി, മുജാഹിദ് വിഭാഗങ്ങള്‍ തമ്മില്‍ ബാങ്കിന്റെ പ്രവര്‍ത്തനങ്ങളെ കുറിച്ചുള്ള തര്‍ക്കങ്ങള്‍ക്ക് ചെവിയോര്‍ക്കാം.

തെരഞ്ഞെടുക്കപ്പെട്ട ഒരു സര്‍ക്കാര്‍ മതേതരമായി പ്രവര്‍ത്തിക്കണം എന്നാണ് ഭരണഘടന ആനുശാസിക്കുന്നത്. ഒരു മതത്തോടും പ്രത്യേക പ്രതിപത്തി സര്‍ക്കാര്‍ കാണിക്കുന്നത് ശരിയല്ല. മുസ്ലീം സമൂദായത്തിനു മാത്രം ബാധകമായ നിയമങ്ങള്‍ക്കനുസൃതമായി സര്‍ക്കാര്‍ പങ്കാളിത്തത്തോടെ സാമ്പത്തിക സ്ഥാപനം നടത്തുന്നത് ആ മതവിഭാഗത്തിന് പ്രത്യേക പരിഗണന നല്‍കുന്നതിനു തുല്യമാണ്. എല്ലാ മതങ്ങള്‍ക്കും തുല്യ പരിഗണന നല്‍കണമെന്ന ഭരണഘടനാ നിര്‍ദ്ദേശങ്ങള്‍ക്ക് ഇത് വിരുദ്ധവുമാണ്. ഈ സ്ഥാപനത്തിന്റെ ചീഫ് എക്സിക്യൂട്ടിവ് ഓഫീസര്‍ ശരിയാ ഉപദേശക ബോര്‍‌ഡിനു റിപ്പൊര്‍ട്ട് ചെയ്യണമെന്ന് KSIDC അതിന്റെ പരസ്യത്തില്‍ ആവശ്യപ്പെടുന്നു. ഇതില്‍ നിന്നും ഈ സ്ഥാപനം ശരിഅത്ത് ബോര്‍ഡിന്റെ നിയന്ത്രണത്തിലായിരിക്കുമെന്ന കാര്യത്തില്‍ തര്‍ക്കമില്ല. മതങ്ങള്‍ സാമൂഹ്യ പുരോഗതിക്ക് തടസമാണെന്ന് പഠിപ്പിച്ച കമ്മ്യൂണിസ്റ്റ് സര്‍ക്കാര്‍ തന്നെ ഇത്തരം പ്രവര്‍ത്തനങ്ങളില്‍ ഏര്‍പ്പെടുന്നത് തടയേണ്ടതാണ്. എല്ലാ വിഭാഗങ്ങളിലും പെട്ട ജനങ്ങള്‍ സര്‍ക്കാരിലേക്ക് അടക്കുന്ന നികുതിപ്പണമാണ് സര്‍ക്കാര്‍ ഒരു പ്രത്യേക മതത്തിന്റെ സ്ഥാപനത്തില്‍ നിക്ഷേപിക്കാന്‍ തുനിയുന്നത്. ഇതിനെതിരെ കേരളത്തിലെ പുരോഗമവാദികള്‍ ശബ്ദമുയര്‍ത്തണം.

ശ്രീ സുബ്രഹമണ്യന്‍ സ്വാമി ഈ ബാങ്ക് ആരംഭിക്കാന്‍ സര്‍ക്കാര്‍ നല്‍കിയ അനുമതിക്കെതിരെ ഹൈക്കോടതിയില്‍ നല്‍കിയ ഹര്‍ജി പരിഗണയിലാണ്. കോടതി വിധി സാര്‍ക്കാരിനെ ഈ നീക്കത്തില്‍ നിന്നും വിലക്കുമെന്ന് പ്രത്യാശിക്കാം.

ഗുരുവായൂരമ്പലത്തില്‍ ആനവാല്‍ കച്ചവടം

2009-11-27T14:44:00.003+05:30

ഇന്നു മനോരമയില്‍ വന്ന വാര്‍ത്തയാണ് മുകളില്‍. പ്രശസ്തമായ ഗുരുവായൂര്‍ ആനക്കോട്ടയിലെ ആനകളുടെ വാല്‍ രോമങ്ങള്‍ പാപ്പാന്‍ മാര്‍ കച്ചവടം ചെയ്യുന്നു. അഞ്ച് വാല്‍‌രോമത്തിന് ആയിരം രൂപയാണു പോലും വില. നാല് പാപ്പാന്മാര്‍ സസ്പന്‍ഷനിലുമായി.

ഗുരുവായൂരമ്പലത്തില്‍ നടയ്ക്കിരുത്തുന്ന ആനകളെ സം‌രക്ഷിക്കുന്ന സ്ഥലമാണ് ആനക്കോട്ട. ഭക്തര്‍ വന്യജീവിയായ ആനകളോടു ചെയ്യുന്ന പല തിന്മകളിലൊന്നാണ് നടയ്ക്കിരുത്തല്‍. സാധാരണ ആനക്കുട്ടികളെയാണ് നടയ്ക്കിരുത്തുന്നത്. കാട്ടില്‍ തന്റെ അമ്മയോടൊപ്പം സ്വതന്ത്രനായി കഴിയുന്ന ആനക്കുട്ടിയെ മനുഷ്യന്‍ തന്ത്രപൂര്‍‌വ്വം കെണിവച്ചു പിടിച്ച് നാട്ടില്‍ കൊണ്ടുവന്ന്‍, മര്‍ദ്ദിച്ച് അതിനെ ചട്ടം പഠിപ്പിക്കുന്നു. ഇതിനെ സിനിമാക്കാര്‍, രാഷ്ട്രീയക്കര്‍, വലിയ മുതലാളിമാര്‍ തുടങ്ങിയവര്‍ വില കൊടുത്തു വാങ്ങി തങ്ങളുടെ കാര്യം സാധ്യത്തിനു വേണ്ടി ഗുരുവായൂരപ്പന് കൈക്കൂലിയായി സമര്‍പ്പിക്കുന്നു. അവിടെ നിന്നു നേരെ ആനക്കോട്ടയിലെത്തുന്ന ഹതഭാഗ്യനായ ആനക്കുട്ടി വീണ്ടും പീഡനത്തിനരയാകുന്നു. ചട്ടം പഠിപ്പിക്കല്‍, വാലു പറിക്കല്‍, തുടങ്ങിയവ.

മനുഷ്യശിശുക്കളെ മാതാപിതാക്കളില്‍ നിന്നും തട്ടിയെടുത്ത് അംഗഭംഗം വരുത്തി ഭിക്ഷാടനത്തിനുപയോഗിക്കുന്ന മാഫിയ ഇന്ന് സാജീവമാണ്. ആന നടയ്ക്കിരുത്തലും ഇതില്‍ നിന്നു ഒട്ടും ഭിന്നമല്ല. ഇവിടെ മനുഷ്യ ശിശുവിനു പകരം ആനകുട്ടിയാണെന്ന വ്യത്യാസം മാത്രമേയുള്ളൂ. കുട്ടിയെ നഷ്ടപ്പെട്ട മാതാപിതാക്കളുടെ വേദന എത്രഭയങ്കരമായിരിക്കും. കുട്ടി നഷ്ടപ്പെടുന്നതോടെ അവരുടെ ജീവിതം തകരും. അവര്‍ ജീവിക്കുന്നതു തന്നെ തങ്ങളുടെ മക്കള്‍ വളര്‍ന്നു വലിയവരാകുന്ന് സ്വപ്നം കണ്ടുകൊണ്ടാണ്. തന്റെ കുഞ്ഞിനെ നഷ്ടപ്പെട്ട ആനയും ഇതുപോലെ വേദന അനുഭവിച്ചിരിക്കാം. ഗുരുവായൂരപ്പന്‍ ഈ ക്രൂരതയ്ക്ക് എ‍ങ്ങിനെ കൂട്ടുനില്‍ക്കുന്നു? ഈ നടയ്ക്കിരുത്തുന്ന ഭക്തരാരെങ്കിലും തങ്ങള്‍ ഓമനിച്ചു വളര്‍ത്തുന്ന മക്കളെ നടയ്ക്കിരുത്താന്‍ തയ്യാറാവുമോ? ഒരിക്കലുമില്ല. അവിടെ കുട്ടികള്‍ക്ക് എത്ര വലിയ സുകര്യങ്ങള്‍ ചെയ്തു കൊടുത്താലും ഒരു മാതാവിനോ പിതാവിനോ തന്റെ കുട്ടിയെ ഉപേക്ഷിക്കാന്‍ മനസ്സു വരില്ല. അപ്പോള്‍ പിന്നെ കാട്ടില്‍ സ്വതന്ത്രനായി നടക്കാന്‍ കൊതിക്കുന്ന ആനക്കുട്ടിയെ ഇത്തരം ക്രൂരതയ്ക്ക് വിധേയനാക്കാന്‍ അവര്‍ക്ക് എങ്ങിനെ മനസ്സു വരുന്നു. ഭക്തി മനുഷ്യരുടെ ചിന്താശേഷിയെ നശിപ്പിക്കുമെന്നുള്ളതിനുള്ള നല്ല ഉദാഹരണമാണ് ഈ നടയ്ക്കുരുത്തല്‍ പരിപാടി.

പ്രശ്നചിന്തക്കിടയില്‍ കടന്നല്‍ക്കൂട്ടം ജ്യോത്സനെയും മറ്റും ആക്രമിച്ചു

2009-11-26T14:14:00.005+05:30

ഇന്നു മാതൃഭൂമി പത്രത്തില്‍ വന്ന രസകരമായ ഒരു വാര്‍ത്തയാണ് മുകളില്‍ കാണുന്നത്. ചെറുവത്തൂര്‍ ക്ഷേത്രനടയില്‍പ്രശ്നം നടന്നുകൊണ്ടിരിക്കുമ്പോള്‍ ഒരുകൂട്ടം കടന്നലുകള്‍ ക്ഷേത്രാധികാരികളേയും മറ്റും മാരകമായി കുത്തിപരിക്കേല്പിച്ചു. പ്രശ്നം നടത്താന്‍ എത്തിയ ജ്യോത്സ്യര്‍ തൊട്ടടുത്ത കടയില്‍ കയറി ഷട്ടര്‍ താഴ്‌ത്തിയാണ് തടിരക്ഷിച്ചത്. പലരും ബോധംകെട്ടുവീഴുകയും, പ്രാണരക്ഷാര്‍ത്ഥം പ്രശ്ന സ്ഥലത്തുനിന്ന് ഓടി രക്ഷപ്പെടുകയും ചെയ്തു.

ദൈവത്തിന്റെ മനസ്സിലിരുപ്പ് പൊതുജനങ്ങളെ അറിയിക്കാന്‍ വേണ്ടിയാണ് അമ്പലങ്ങളില്‍ പ്രശ്നം നടത്താറ്. ജ്യോത്സ്യര്‍ക്കും കൂട്ടാളികള്‍ക്കും ചില്ലറ തടയുന്ന ഒരു പരിപാടി. ഇതിന്റെ പിന്നിലുള്ള തട്ടിപ്പ് ഏറ്റവുംനന്നായറിയാവുന്നത് ജ്യോതിഷിക്ക് തന്നെയാണ്. തൊട്ടടുത്തിരിക്കുന്ന മനുഷ്യന്‍ എന്തു വിചാരിക്കുന്നു എന്നുകണ്ടുപിടിക്കാന്‍ കഴിയാത്തവരാണ് ദൈവത്തിന്റെ മനസ്സിലിരുപ്പ് കണ്ടുപിടിച്ച് നാട്ടുകാരെ അറിയിക്കുന്നത്. ദൈവംഎന്ന ഭാവനാസൃഷ്ടിയുടെ മനസ്സിലിരിപ്പ് ജ്യോതിഷമെന്ന കപട ശാസ്ത്രത്തിന്റെ സഹായത്താല്‍ കണ്ടെത്താന്‍ കഴിയുംപോലും. ഇതില്‍ പരം ഒരു മണ്ടത്തരം എന്താണുള്ളത്. അടുത്തുള്ള കടന്നല്‍ക്കൂട് ഇളകിവന്ന് തങ്ങളെആക്രമിക്കുമെന്ന് ഇവര്‍ക്ക് മുന്‍‌കൂട്ടി കാണുവാന്‍ കഴിഞ്ഞില്ല. ഇത്തരം വിഡ്ഢിത്തങ്ങള്‍ക്ക് മതേതര സര്‍ക്കാര്‍ പോലുംപങ്കാളികളാകുന്നു എന്നുള്ളതാണ് ഏറെ പരിതാപകരം. ശബരിമലയിലെ പ്രശ്നവിവാദം കെട്ടടങ്ങിയിട്ട് അധികംകാലമായില്ലല്ലോ. എന്തായാലും കടന്നല്‍കുത്തേറ്റവരെ നേരെ ആശുപത്രിയിലെത്തിച്ചു ചികിത്സ നല്‍കി. അല്ലാതെഅവര്‍ ദൈവം തങ്ങളെ രക്ഷിക്കുമെന്നു വിചാരിച്ചു അവിടെത്തന്നെ കൂടിയാലത്തെ സ്ഥിതി ആലോചിക്കൂ.

"കള്ളത്തരംകൊണ്ട് വിഡ്ഢികളെ പമ്പരവിഡ്ഢികളാക്കുന്ന വിദ്യ" എന്ന് ജ്യോതിഷത്തെക്കുറിച്ച് പണ്ട് വിവേകാനന്ദന്‍പറഞ്ഞിട്ടുണ്ട്. കേരളത്തിലെ പോലെ പ്രബുദ്ധരായ ജനതയുടെ ഇടയില്‍ ഇത്തരം അന്ധവിശ്വാസങ്ങള്‍ ഇന്നുംനിലനില്‍ക്കുന്നത് നമ്മുടെ വിദ്യാഭ്യാസ രീതിയുടെ പോരായ്മയെയാണ് ചൂണ്ടിക്കാണിക്കുന്നത്. കുട്ടികളില്‍അന്വേഷണ ബുദ്ധിയും ശസ്ത്ര ചിന്തയും വളര്‍ത്താന്‍ നമ്മുടെ വിദ്യാഭ്യാസ രീതിക്കു സാധിക്കുന്നില്ല.

മണ്ഡലക്കാലം

2009-11-19T10:48:00.002+05:30

ഒരു മണ്ഡലക്കാലവും കൂടി വരവായി. സ്വാമി ഭക്തന്മാര്‍ പുണ്യപാപങ്ങളും, പരാതികളും, ദുഃഖങ്ങളും നിറച്ച ഇരുമുടിക്കെട്ടുകള്‍ അയ്യപ്പന്റെ മുമ്പില്‍ സമര്‍പ്പിക്കാന്‍ തെരക്കു കൂട്ടൂന്നു. ഇനിയുള്ള കുറേ ദിവസങ്ങള്‍ കേരളത്തില്‍ ഉത്സവത്തിന്റേതായിരിക്കും. അച്ചടി, ദൃശ്യ മാദ്ധ്യമങ്ങള്‍ക്ക് വാര്‍ത്തകളുടെ ചാകര. പരസ്യ വരുമാനം അതിന്റെ പാരമ്യത്തിലെത്തും. ഗവണ്മെന്റ് വകുപ്പുകള്‍ പണമുണ്ടാക്കാന്‍ അരയും തലയും മുറുക്കി രംഗത്തിറങ്ങിക്കഴിഞ്ഞു. കവിതയെഴുത്തുകാരും, ഗായകരും, സീരിയല്‍ നിര്‍മ്മാതാക്കളും അയ്യപ്പന്റെ ഗുണഗണങ്ങള്‍ വാഴ്‌ത്താന്‍ മത്സരം തുടങ്ങിക്കഴിഞ്ഞു. കാറ്റുള്ളപ്പോള്‍ പാറ്റണമെന്ന പഴഞ്ചൊല്ല് പ്രസക്തമാകുന്നത് ഇപ്പോഴാണ്.

ഭക്തജനങ്ങുളുടെ ദാരിദ്ര്യവും, ദുഃഖവും പ്രയാസങ്ങളും മാറ്റാന്‍ കച്ചകെട്ടിയിരിക്കുന്ന അയ്യപ്പന്‍ ഒരോ മണ്ഡലക്കാലം കഴിയുമ്പോഴും തന്റെ നില മെച്ചപ്പെടുത്തുന്ന ഒരത്ഭുത പ്രതിഭാസം ശബരിമലയില്‍ കാണാം. ഈ കഴിഞ്ഞവര്‍ഷം വരെ പതിനെട്ടാം പടിയും, തന്റെ ശ്രീകോവിലും മാത്രമേ സ്വര്‍ണ്ണത്തില്‍ പൊതിഞ്ഞിരുന്നുള്ളു. (കള്ളുമുതലാളിയുടെ കാശുകൊണ്ടാണെന്ന് ചില ദോഷൈകദൃക്കുകള്‍ പറയുന്നു) ഈ വര്‍ഷം തന്റെ സഹജീവികളായ ഉപദൈവങ്ങളുടെ ആലയങ്ങളും സ്വര്‍ണ്ണം പൊതിഞ്ഞു മനോഹരമാക്കി. കേരളത്തിലെ ചില ജ്യോത്സ്യന്മാര്‍ മന്ത്രം, ഏലസ്സ്, യന്ത്രം തുടങ്ങിയ തട്ടിപ്പിലൂടെ ജനങ്ങളെ പറ്റിച്ച് പണക്കാരായി മാറുന്നതുപോലെ ആയ്യപ്പനും ചില സൂത്രങ്ങള്‍ പ്രയോഗിക്കുന്നുണ്ടോ എന്നു സംശയിച്ചാല്‍ തെറ്റെന്നു പറയാന്‍ പാടില്ല. കഴിഞ്ഞ വര്‍ഷം വരെ പൊന്നമ്പലമേട്ടില്‍ മകരവിളക്കിനു തെളിയുന്ന പ്രകാശം ഭൂതത്താന്മാര്‍ പറ്റിക്കുന്ന പണിയാണെന്നു പാവപ്പെട്ട ഭക്തന്മാരെ മുഴുവന്‍ വിശ്വസിപ്പിച്ചിരുന്നു. പിന്നീട് മന്ത്രിയും, തന്ത്രിയുടെ കൊച്ചുമോനും മകരവിളക്ക് ഒപ്പിക്കുന്നത് വൈദ്യുതി, വനം വകുപ്പുകളിലെ ഭൂതത്താന്മാര്‍ പോലീസ് അകമ്പടിയോടെയാണെന്ന് പരസ്യമായി പറഞ്ഞു. കൂടെ അവര്‍ ഒരു ഉരുണ്ടുകളികൂടി നടത്തി. മകരവിളക്ക് സൂത്രവും, മകരജ്യോതി ശബരിമലയില്‍ ഉദിക്കുന്ന നക്ഷത്രവുമാണത്രെ. എന്തായാലും ദിവ്യാത്ഭുതം പൂര്‍ണ്ണമായി ഇല്ലാതായില്ല. പരുന്തു പറക്കല്‍ ഇപ്പൊഴുമുണ്ടല്ലോ. കേരളത്തിലെ മുന്‍‌നിര മാധ്യമങ്ങള്‍ക്ക് (കൈരളിയുള്‍പ്പെടെ) ഇപ്പോഴും മകരവിളക്ക് ദിവ്യം തന്നെ. സത്യം തുറന്നു പറഞ്ഞാല്‍ ഭക്തരുടെ ഒഴുക്കു കുറഞ്ഞെങ്കിലോ. നാണം കെട്ടും പണം സമ്പാദിച്ചാല്‍ നാണക്കേട് ആ പണം മാറ്റിക്കൊള്ളുമെന്ന പഴഞ്ചൊല്ല് ഓര്‍ക്കുക.

ഇടതുപക്ഷ ഗവണ്മേന്റ് ദേവസ്വം ഭരിക്കുന്നതിനെ, മദ്യനിരോധന സമിതി പ്രസിഡണ്ട് കള്ളുഷാപ്പ് നടത്തുന്നതിനോട് ഉപമിക്കാം. ദൈവവും, മതവും സാമൂഹ്യ പുരോഗതിക്ക് തടസമാണെന്നാണ് കമ്യൂണിസ്റ്റാചര്യന്മാര്‍ പറഞ്ഞുവ്ച്ചിരിക്കുന്നത്. അതൊക്കെ ഇപ്പോള്‍ ആരു നോക്കുന്നു. ഭക്തിവ്യവസായവും മദ്യവ്യവസായവും ഒരു നാണയത്തിന്റെ രണ്ടു വശങ്ങള്‍ തന്നെയാണ്. ഉപഭോക്താക്കള്‍ക്ക് രണ്ടും മനസ്സിനു ശന്തിയും ആനന്ദവും പ്രദാനം ചെയ്യുന്നു. സര്‍ക്കാരിനു ഖജനാവു നിറയ്ക്കാന്‍ ഇതിലും നല്ലൊരു മാര്‍ഗ്ഗം വേറെയില്ല. വര്‍ഷങ്ങള്‍ ചെല്ലുന്തോറും രണ്ടു വ്യവസായങ്ങളും കേരളത്തില്‍ തഴച്ചു വളരുകയാണ്. മദ്യപാനത്തില്‍ നമ്മള്‍ പഞ്ചാബികളെ കടത്തിവെട്ടിയെന്നു ഈയിടെ പത്രത്തില്‍ വായിച്ചു. ആധികം താമസിയാതെ ശബരിമല തിരുപ്പതിയെ കടത്തിവെട്ടി നമ്മുടെ ആത്മാഭിമാനം കാക്കുമെന്നു കരുതാം.

ദാരുല്‍ ഉലൂം ഫത്വാ

2009-11-12T13:22:00.001+05:30

ഇന്ത്യയിലെ സുന്നി മുസ്ലീംങ്ങളുടെ പ്രധാനപ്പെട്ട ഒരു സംഘടനയാണ് ദാരുല്‍ ഉലൂം ദിയൊബന്ദ്. ഇവിടെ നിന്നും മതവിഷയങ്ങളില്‍ കുട്ടികള്ക്ക് അറിവു നല്കുകയും വിശ്വാസപരമായ കാര്യങ്ങളില്‍ നിര്ദ്ദേശങ്ങള്‍ (ഫത്വാ) പുറപ്പെടുവിക്കുകയും ചെയ്യാറുണ്ട്. ഈ അടുത്ത നാളില്‍ അവര് പുറപ്പെടുവിച്ച മുസ്ലീംങ്ങള്‍ വന്ദേമാതരം പാടിക്കൂടാ എന്ന ഫത്വാ വിവാദക്കുരിക്കില്‍ പെട്ടിരിക്കുകയാണ്.

ആള്ളാ എന്ന ഏക ദൈവത്തെ അല്ലാതെ വേറൊന്നിനേയും വന്ദിക്കാന്‍ പാടില്ലെന്നാണ് മുസ്ലീംങ്ങള്ക്കിടയിലുള്ള ഒരു ഏകദേശ ധാരണ. (ഇതിലും അഭിപ്രായ ഐക്യം ഇല്ല എന്ന കാര്യം വിസ്മരിക്കരുത്. അജ്മീര്‍ ചിസ്റ്റിയുടെ ഖബര്‍, മമ്പറം ദര്ഗ തുടങ്ങിയവയില്‍ പോയി പ്രാര്ത്ഥന നടത്തുന്നത് ഉദാഹരണങ്ങള്‍). ഇന്ത്യയുടെ രാഷ്ട്രഗാനമായ "വന്ദേ മാതരം" തുടങ്ങുന്നത് ഭാരതാംബയെ വന്ദിച്ചുകൊണ്ടാണ്. ഇത് ദിയോബന്ദികളെ വിറളിപിടിപ്പിക്കുന്നു. മുസ്ലീംങ്ങള്‍ ഈ ഗാനം പാടിക്കൂടാ എന്നതാണ് പുതിയ ഫത്വാ. ഭാരതമാതാവിനെ വന്ദിക്കുന്നത് മുസ്ലിംങ്ങള്ക്ക് ഹറാമാണുപോലും.

നമ്മുടെ പാരമ്പര്യ കലാരൂപങ്ങളെല്ലാം തന്നെ ആരാധനയ്ക്ക് വളരെ പ്രാധാന്യം നല്കുന്നുണ്ട്. കര്ണ്ണാടക സംഗീതം എല്ലാം തന്നെ ഈശ്വര സ്തുതികളാണ്. കഥകളി, ഭരതനാട്യം തുടങ്ങിയ നൃത്തപ്രധാനമായ കലാരൂപങ്ങളും ഈശ്വരസ്തുതിക്ക് നല്കുന്ന പ്രാധാന്യം തര്ക്കമറ്റ വസ്തുതയാണല്ലൊ. ഈ ഫത്വാ അനുസരിക്കുന്ന മുസ്ലീം സമൂദായങ്ങള്ക്ക് ഇത്തരത്തിലുള്ള കലകളൊന്നും അഭ്യസിക്കുവാന്‍ സാദ്ധ്യമല്ല.

ഇത്തരം വിശ്വാസത്തിന്റെ അടിസ്ഥാനത്തിലാണെന്നു തോന്നുന്നു പാരമ്പര്യകലകള്‍ അഭ്യസിക്കുന്ന മുസ്ലീം കുട്ടികള്‍ മതനേതൃത്വത്തില്‍ നിന്ന് പീഡനങ്ങള്‍ നേരിടേണ്ടി വരുന്നത്. കലാമണ്ഡലം ഹൈദരാലി സ്വസമൂദായത്തില്‍ നിന്നും തനിക്ക് അനുഭവിക്കേണ്ടി വന്ന ദുരനുഭങ്ങളെക്കുറിച്ച് അഭിമുഖസംഭാഷണങ്ങളില്‍ വിവരിക്കുന്നത് കേട്ടിട്ടുണ്ട്. മുസ്ലീം ജനസാമാന്യം ഇത്തരം കടും‌പിടുത്തങ്ങള്‍ അംഗീകരിക്കില്ലന്നു പ്രതീക്ഷിക്കാം.

പന്നിയാര്‍ ഡാമിന്റെ ഇന്നെത്തെ അവസ്ഥ

2009-02-24T12:43:00.002+05:30

പവര്‍ പൌവ്വര്‍ ഹൌസിലേക്ക് ജലം എത്തിക്കുന്ന പെന്സ്റ്റോക്ക് പൈപ്പ് പൊട്ടിയതിനു ശേഷം ഡാമിലുള്ള വെള്ളം ഉപയോഗിക്കാന്‍ വയ്യാത്ത അവസ്ഥയിലാണ്. തുറന്നു വിട്ടിരിക്കുന്ന വെള്ളം ശക്തമായി ഡാമിന് പുറത്തേക്ക് ഒഴുകുന്നത്‌ കാണാം. ഇപ്പോള്‍ ഇതൊരു ടൂറിസ്റ്റ് സ്പോട്ടായി മാറി.

വീഡിയോ കാണുവാന്‍ ക്ലിക്ക് ചെയ്യുക

ദെത്തെടുക്കല് വിവാദം

2008-10-21T12:30:00.000+05:30

58 വയസുകാരനായ ബിഷപ്പ് തട്ടുങ്കല്‍ 28 വയസുള്ള യുവതിയെ അത്മിയ രൂപത്തില്‍ ദത്തെടുത്തു പോലും. യുവതി അദ്ദേഹത്തിനു നല്കിയ "ആഴത്തിലുള്ള" ചില അത്മിയ അനുഭവങ്ങള്‍ അസുയക്കാരായ മറ്റു പുരോഹിതിതന്മാര്ക്ക് സുഖിച്ച്ചിട്ടില്ല. അവര്‍ പലവിധ ആരോപണങ്ങളുമായി തട്ടുന്കലിനെ തട്ടാന്‍ അരയും തലയും മുറുക്കി രംഗപ്രവേശം ചെയ്തിരിക്കുന്നു. യുവതി പ്രസവിക്കാന്‍ പോകുന്ന "ദിവ്യ ശിശു" സഭാ വിശ്വാസ വീണ്ടെടുപ്പിന് സഹായിക്കും എന്ന ബിഷോപിന്റെ വാദം അന്ഗീകരിക്കുവന് ഇവര്‍ തയാറല്ല. യുവതി നല്കിയ രക്തം കൊണ്ടു അരമനയില്‍ നടത്തിയ അഭിഷ്കവും തെറ്റാണു പോലും!!. ഗുരുവായൂരില്‍ നടത്തിയ പോലുള്ള ശുദ്ധികരണം നടത്തിയതിനു ശേഷമാണു ഈ പുരോഹിത വര്‍ഗം അരമനയില്‍ പ്രവേശിച്ചത്‌.

ഈ പാതിരിമാര്‍ക്ക് ഇത് എന്ത് പറ്റി. 2000 വര്‍ഷങ്ങള്‍ക്കു മുന്പ് നടന്ന ദിവ്യ ഗര്‍ഭവും പ്രസവവും ഇവര്‍ക്ക് അന്ഗീകരിക്കമെന്കില് ഇന്നു എന്തുകൊണ്ട് പറ്റില്ല. അതോ ഈ കഥ കുഞ്ഞാടുകള്‍ക്ക് മാത്രമുള്ളതാണോ. ഒരു പുണ്യവാനെ സൃഷ്ട്ടിക്കുവാന്‍ സഭ എത്രമാത്രം കഷടപെടുന്നു. ദിവ്യന്റെ മരണശേഷം പത്ത് മുപ്പതു വര്‍ഷത്തെ കാത്തിരുപ്പ്, ദിവ്യല്ഭുതം കണ്ടുപിടിക്കല്‍, ഡോക്ടര്‍മാരുടെ പാനലിനെ കൊണ്ടു അതിന്‍റെ പരിശോധന, അത്മിയ നേതാക്കന്മാരുടെ റോമിലെക്കുള്ള യാത്ര അങ്ങിനെ എന്തെല്ലാം പൊല്ലാപ്പുകള്‍. ഈ ബുദ്ധിമുട്ടൊന്നും ഇല്ലാതെ വെറും പത്ത് മാസം കൊണ്ടു നമുക്കു ഒരു ദിവ്യനെ ലഭിച്ചേനെ . അസുയക്കാരായ അച്ചന്മാര്‍ എല്ലാം തകര്‍ത്തു. അവര്ക്കു നിഷേധിക്കപ്പെട്ട അത്മിയ അനുഭവങ്ങള്‍ ബിഷപ്പ് അനുഭവിക്കുന്നതിലുള്ള അമര്‍ഷം എന്തെല്ലാം അനര്ധങ്ങളാണ് സഭക്കും മാനവരശിക്കും വരുത്ത്തിവച്ച്ചിരിക്കുന്നത്. ചാട്ടവാര്‍ കൊണ്ടുള്ള അടിയാണ് ഇവര്‍ക്കുള്ള ശിക്ഷ.

മലയാളി പുണ്യവാളത്തി

2008-10-07T13:07:00.000+05:30

നായ മുതല്‍ കുതിര വരെ, മയക്കുമരുന്ന് അടിമകള്‍ മുതല്‍ ഭ്രാന്തന്മാര്‍ വരെ, ഗുഹ്യ രോഗികള്‍ മുതല്‍ എയിഡ്സ് രോഗികള്‍ വരെ, കശാപ്പുകാരന്‍ മുതല്‍ ബാര്‍ബര്‍ വരെ, ഇവര്‍ക്കെല്ലാം പൊതുവായിട്ടുള്ള കാര്യം എല്ലാവര്ക്കും ഒരു കത്തോലിക്കാ പുണ്യവാളന്‍ ഉണ്ടന്നുള്ളതാണ്. പതിനായിരത്തില്‍ കൂടുതല്‍ പുണ്യവാളന്മാരെ സഭ വാഴിച്ചു കഴിഞ്ഞു . ആ ലിസ്റ്റിലേക്ക് ഇതാ ഒരു മലയാളിയും കൂടി. സിസ്റ്റര്‍ അല്ഫോന്സ.

രോഗങ്ങോളോട് മല്ലിട്ട് വേദനകളോട് കൂടി ജിവിച്ചു മരിച്ച ഒരു പാവം സിസ്റ്റര്‍. ചെറുപ്പത്തില്‍ ഉമ്മി തിയില്‍ വിണ് കാലിനു സ്വധീനക്കുറവു ഉണ്ടായിരുന്നു . സ്വന്തം രോഗങ്ങളോ വികലാംഗത്വമൊ അവര്ക്കു ജീവിതകാലത്ത് പ്രാര്‍ത്ഥിച്ചു മാറ്റുവാന്‍ സാധിച്ചിരുന്നില്ല. പക്ഷെ മരണശേഷം അവര്‍ രോഗ ചികിത്സ ആരംഭിച്ചതായി സഭ അവകാശപ്പെടുന്നു. അസ്ഥി രോഗ വിദഗ്ദ്ധയാണ് അവര്‍. ഒരു കുട്ടിയുടെ വളഞ്ഞിരുന്ന കാലുകള്‍ അവര്‍ നേരെയാക്കി പോലും. ഡോകാടോര്മാരുടെ ഒരു പാനല്‍ ഈ അത്ഭുതം സാക്ഷ്യ പെടുതിയിട്ടുമുണ്ട്. ടീവി ചാനലുകള്‍ ഇടതടവില്ലാതെ ഈ അത്ഭുതം നമ്മളെ ഒര്മ്മപ്പെടുത്തുന്നു. കത്തോലിക്കാ സഭ കേരളത്തില്‍ നടത്തുന്ന ആശുപത്രികള്‍ ഉടന്‍ അടച്ചു പൂട്ടാന്‍ ഉദ്ദേശമില്ലന്നു തോന്നുന്നു. പാപികളായ രോഗികളോടു അവര്‍ അത്രയും ദയ കാണിക്കുന്നതില്‍ ആശ്വസിക്കാം.

വളഞ്ഞ കാലുകളോടെ (ക്ലബ്ബ് ഫുട്) ജനിക്കുന്ന കുട്ടികളെ ഏതാനും ആഴ്ചകള്‍ക്കുള്ളില്‍ ചികില്‍സക്ക് വിധേയമാക്കിയാല്‍ സാധാരണ പോലെ ജീവിക്കുവാന്‍ സാധിക്കുമെന്ന് ആധുനിക വൈദ്യസസ്ത്രം പറയുന്നു. വര്‍ഷങ്ങള്‍ നീണ്ടു നില്ക്കുന്ന വളരെ ശ്രദ്ധയും പരിചരണവും ആവശ്യമുള്ള ഈ ചികിത്സ രീതി അവലംബിക്കുന്നതിനു പകരം അല്‍ഫോന്‍സാമ്മയുടെ ഖബറില്‍ പോയി ഭാജനമിര്‍ക്കാന്‍ പ്രേരിപ്പിക്കുന്ന സഭ അത്തരം കുട്ടികളെയും അവരുടെ മാതാപിതാക്കളെയും വഞ്ചിക്കുകയാണ് ചെയ്യുന്നത്. പ്രബുദ്ധരെന്നു അഭിമാനിക്കുന്ന മലയാളികള്‍ ഇത്തരം മണ്ടത്തരങ്ങള്‍ കണ്ടു നിശബ്ധരയിരിക്കുന്നത് എന്തുകൊണ്ടാണ്.

ശബരിമലയില് അയ്യപ്പന്മാര് കുഴഞ്ഞു വീണു.

2007-12-09T09:54:00.000+05:30

ശബരിമലയില് അയ്യപ്പന്മാര് കുഴഞ്ഞു വീണു. വാര്ത്ത

തങ്ങളുടെ ദുരിതങ്ങള് അകറ്റുവാന് 41 ദിവസത്തെ വ്രതം എടുത്തു കഷ്ടപ്പെട്ട് ശബരിമലയില് എത്തുന്ന ഭക്തന് മാരെ സ്വാമി എന്തിന് ഇങ്ങനെ കഷടപെടുത്തുന്നു. ആവശ്യത്തിനു വെള്ളവും ഭക്ഷണവും സ്വാമി വിചാരിച്ചാല് ഉണ്ടാക്കാന് എന്താണ് ബുദ്ധിമുട്ട്?. ഉദ്യോഗസ്തന്മാരെ കൊണ്ടു ജോലി ചെയ്യിക്കുവാന് അദ്ദേഹത്തിന് സാധിക്കുന്നില്ലേ? അതോ സ്വമിക്ക് ഈ പറയപ്പെടുന്നത് പോലുള്ള ശക്തി ഇല്ലേ? ഭക്തന്മാര് സ്വയം ചിന്തിക്കുക.

വരുന്ന നാളുകളില് തിരക്ക് എന്തായാലും കൂടും. ഭക്തന്മാര് വേണ്ട മുന്കരുതലുകള് എടുത്താല് തടി കേടാകാതെ സൂക്ഷിക്കാം. അല്ലങ്കില് മലയില് തന്നെ സിദ്ധികൂടി മോക്ഷ പ്രാപ്തി അടയേണ്ടി വരും.